Site icon HUAPZAU

”Free-kick lam kha ka ngai thutak lem lo, team chakpui ka duh mai a ni” – Messi

Lionel Messi chuan tukin zinglam khan Inter Miami tana a game hmasa ber chu Cruz Azul lakah a khel a, Argentina captain hian a team thar tan hun pêk belh minute 90+4 ah free kick goal mawi zet khungin 2-1 in hnehna a chanpui.

Inkhelh banah reporter in a free-kick goal chungchang a zawhna hetiang hian Messi chuan a chhang, “Free-kick lam lam kha chu ka ngai pawimawh tehchiam lova, ka duh ber chu ka team tanpui a hnehna chanpui kha a ni. Mimal goal hi ka ngai thutak lem lova, ka team tanpui ka duh mai a ni” a ti.

Messi chuan Cruz Azul laka an hnehna chu a teammate Ian Fray tana a hlan thu hetiang hian a sawi bawk a, “He hnehna hi tuna inhliam mêk Ian Fray tan ka hlan duh e. Hliam na tak tak tum hnih lai paltlangin inkhel leh thei mahse vawiin khan hliam dang in a tlakbuak leh hlauh va, a tan vawiin a kan hnehna hi ka hlan a ni” a ti.

Kum 36 a upa hian Inter Miami tan bul a tan tha takzet a, a zawna game 6 chhung chakni hmel hmu tawh lo team tan chakna goal khungin a point 3 hlu tak a hlawh chhuah pui.

Cruz Azul laka goal khat khungtu Barca captain hlui hian a career ah penalty goal nilo goal 700 a khung tling ta chiah bawk a, hetiang ti thei player hmasa ber a ni bawk.

Messi leh a thiante hian an game leh ah Atlanta United an hmachhawn dawn a, Leagues Cup inelna ah point 3 dang hmuh leh ngei an tum ang.

Exit mobile version