Kan hriat angin Euro 2020 round of 16 atangin France chu an tla a, squad a awm ten Kylian Mbappe an dem niin a lang, Paul Pogba a tawng chhuak.
Kan hriat angin World champion France hi mak deuh maiin Switzerland in Euro 2020 atangin an pet chhuak a nih kha. Hun pangai leh extra time ah an indraw avangin penalty shootout hmangin Swiss lam hian hnehna an chang a ni. Euro 2020 khelh tan a nih hma leh group match khelh lai vel atang khan France hi Euro 2020 champion tura rinkai ber pakhat anni.
Euro 2020 khelh mekah hian PSG leh France superstar Kylian Mbappe’an goal a khung lova, assist pawh nei lovin, penatly a miss a nih kha. Mahse, Paul Pogba chuan kum 22 upa Kylian Mbappe hi dem tur a nilo niin a sawi.
“Player ropui tak kan neih hian, thil ropui tak thleng tura ngaih a ni.” tiin Paul Pogba chuan El Chiringuito a hrilh.
“Mi zawng zawngin Kylian Mbappe hi goal 5 khung turin an duh a, Euro Golden Boot dawng turin an duh bawk. Mahse, ka ngaihdanah chuan, chance a siam a, a thawkrim em em bawk, a thinlung zawng zawng a pe a, field chhungah khan a engkim a hlan hei hi thil pawimawh ber a ni.”
“Player ropui tak a ni a, a thangchho zel anga a rawn kir leh ang, a hma ang ni lovin. Mbappe hi dem tur a ni lo, kan vai in kan pil a ni, a chhan chu lawng pakhatah kan vaiin kan chuang tlat” tiin Paul Pogba chuan a sawi.
Source SL