Nottingham Forest chuan Manchester United player pahnih Dean Henderson leh Anthony Elanga te chu kumin nipui bazar hian lâkluh an tum dawn.
The Times tarlan danin season hmasa loan a Forest zawmtu Henderson chuan a nghetin City ground a insuan a duh a, kum 26 a upa hian Manchester United a Andre Onana el ai chuan Forest a hmun nghet chan a duh zawk.
Hetih mêk lai hian Anthony Elanga chu kumina Old Trafford chhuahsan tura ngaih a ni a, kum 21 a upa hi Man Utd chuan £10 million velin an hralh phal.
Everton chuan Elanga hi lâkluh tumin an lo ngaihven tawh a, amaherawhchu English forward hian Sean Dyche hnuaiah hmu nghet a chan theih a beisei loh avangin Goodison Park lama insuan a tum lo nia sawi a ni. Everton lama insuan tum lo Elanga chu Forest in an ngaihven mêk a, transfer bazar inkhar hmaa lâkluh hman tum ang.
Nottingham Forest hian season hmasa khan league ah 16-na niin season an khar a, Steve Cooper nau te hi season tharah chak zawka lo kir ngei an tum dawn.
Forest hian an squad thawmtha turin Elanga bakah Ola Aina lâkluh an tum dawn a, kum 26 a upa Nigerian full back hi Chelsea-a a contract neihlai a hman zawh tawh avangin free agent a ni mêk. Tin, Monaco full back Ismael Jacobs pawh Forest lâkluh tum zinga mi a ni bawk a, Senegalese international pawh hian Premier League lama insuan a hreh lo.