Forbes 2020: Infiammi Hlawh Hnem Zual te, Pahnihnaah Cristiano Ronaldo

Forbes chuan kum 2020 chhunga infiammi (Athlete) hlawh hnem zual (List) a tarlanga, Roger Federer chu khawvel infiammi zinga hlawh hnem ber a ni. COVID-19 avangin Lionel Messi chu top spot-ah a tello a ni. Annual Forbes list hi nimin Zirtawpni (Friday) khan puan chhuah a ni.

Swiss Federer hi Tennis-ah chuana ropui hle a, Grand Slam singles titles vawi 20 laiah champion tawhin $106.3 million lai thla 12 liam taah khan a hlawhchhuak tawh a ni. Inremna an neih atangin $100 million a hlawhchhuak bawk. Forbes-ah palina dinhmun atangin pakhatna dinhmun a rawn hauh chhova, Tennis bikah pakhatna hauh thei hmasa ber a ni.

Advertisement

Football players Cristiano Ronaldo hian £85.3 million a hlawh a, Lionel Messi’an £84.5 million leh Neymar’an £77.6 million a hlawh bawk. American basketball player LeBron James’an £71.6 million a hlawhin heng mite hi top 5-a lang te an ni.

“Tunlai hripui leng coronavirus avangin Soccer star Messi leh Ronaldo te hlawh cut sak an ni a, hei vang hian a vawi khatna atan tennis player in infiammi hlawh hnem zual pakhatna dinhmun a hauh ta a ni” tiin Forbes senior editor Kurt Badenhausen chuan a sawi.

Advertisement

Japan Naomi Osaka hian £30.7 million hlawhin 29th na a hauhva, £29.5 million hlawhtu Serena Williams chu khumin, khawvel hmeichhia infiammi zinga hlawh hnem ber a ni. Osaka leh Williams te hi hmeichhe hlawh hnem lang awm chhun an ni.

Advertisement

Advertisement

Next Post

May 2020: Ballon d'Or Power Ranking Sportskeeda

Sat May 30 , 2020
Tunlai hrileng COVID-19 avangin 2020 Ballon d’Or pawh a hnawng deuh niin a lang a. FC Barcelona superstar Lionel Messi […]