Lionel Messi’an Barcelona tana contract a sign tirha an hman (Paper Napkin) chu online lamah lilam tum anih thu report in an tarlang a, a man tur pawh $380,000 lai a tling dawn niin an tarlang bawk.
Messi’an Barca tana contract a signa (Paper Napkin) hi tunah hian Bonhams Auction House, New York-ah a awm mek a, March ni 18 leh March ni 27 inkarah lilam an tum dawn niin an tarlang.
Kum 2000 khan Lionel Messi chuan Barcelona youth club a zawm tan a, a career tam zawk chu Barcelona-ah hian a hmang a ni. Khawvel football ropui ber pakhatah a inchhuah nghe nghe.
Lionel Messi’an Barcelona a zawm tirh a, Barca Sporting Director chu Carles Rexach a ni a, Rexach hian Messi a lak luh dawn khan dawhkana paper napkin chu lain ti hian a ziak ta a ni.
“In Barcelona, on 14 December 2000 and the presence of Messrs [Josep] Minguella and Horacio [Gaggioli], Carles Rexach, FC Barcelona‘s sporting director, hereby agrees, under his responsibility and regardless of any dissenting opinions, to sign the player Lionel Messi, provided that we keep to the amounts agreed upon.” Ti chuan Lionel Messi chu contract hmanga lak luh alo ni ta a ni.
Kum 2004 khan Lionel Messi chuan Barcelona first team tana a game hmasa ber tur a khel a, Camp Nou-ah hian kum 17 chhung teh meuh mai hun hmang hmanin, match 778 a inlan atangin goal 672 a khung mai bakah assist vawi 303 lai a nei tling hman a ni.
UEFA Champions League nomawi 4, La Liga nomawi 10 leh Cop Del Rey nomawi 7 a chawi pui ve a, hei mai bakah trophy dang pawh a chawi pui nual.
