Manchester City in tun summer player lak luhna atan £100 million an duang!

Manchester City chuan tun summer transfer lo awm turah player thar lak luhna atan £100 million lai mai an hmang dawn niin reports in a tarlang.

Hriat angin kan hnung deuh lawkah Pep Guardiola nau te chuan Premiere League record an siam a, a zawnin Premiere League nomawi vawi 4 lai an chawi a nih kha, season hnunhnung 7 atangin nomawi vawi 6 an chawi bawk.

Advertisements

Premiere League lamah dinhmung sang tak thleng tawh tho mahse, club lam chuan tun summer chhung ngeiin player thar dang lak luh an la tum cheu a ni.

Transfer guru Ben Jacobs sawi dan chuan, City hian Bruno Guimaraes chu tun summer transfer-ah lak luh an duh niin a sawi. Brazilian player hian summer transfer-ah hian Newcastle United chhuahsanin Man City hi a zawm ngei a ring.

Tun dinhmunah Man City chuaj player pakhat chiah an la target rih niin a lang a, chu chu Guimaraes chiah hi ala ni, ani hian Release Clause £100 million a nei bawk.

Jacob’an a sawi dan chuan City lam pawhin Guimaraes hi an be tawh niin a sawi a, Arsenal lam pawhin lak an duh thu a tarlang bawk.

Hetihlai hian Guimaraes chu Newcastle lamah ala hlim rih nia sawi a ni a, Newcastle United hi a chhuahsan kher lo thei bawk. Saudi Pro League lama kal a duh tih thuthangah eng thu mah a sawi loh thu an tarlang.

City hian an midfielder Kevin de Bruyne chu Gulf state lamah hian an chan zawk hmel, sum tamtak hlawh duh avangin Saudi Pro League hi a pan ngei a rinawm.

Scroll to Top