Kan hriat angin Old Trafford lamah Manchester United star pahnih Raphael Varane leh Casemiro hmalam hun a chiang tawh lova, anmahni thlaktu tur atan Manchester United chuan Everton star pahnih Branthwaite leh Amadou Onana chu an thlithlai mek niin report in a tarlang.
Manchester Evening News in a tarlan danin Red Devils lam hian summer transfer window inhawn hun atan Everton player pahnih hi an zir chiang niin a tarlang.
Kum 30 a upa Varane thlaktu tur atan kum 21 a upa Branthwaite hi an duh, Old Trafford lama contract a neih hi tun season khelh mek a zawh rual hian a zo ve dawn a ni. England international Branthwaite hi Toffees tan a che tha ang reng a, tun season khelh mekah inelna hrang hrang match 31-ah inlan tawhin cleansheet vawi 10 a nei tling a ni.
England U21 tan vawi 6 a inlan ve tawh a, Man Utd in 2-0 a Everton an hneh hnu khan Branthwaite chuan ti hian a sawi, “Old Trafford-ah ka vawikhat khelhna a nia, chuan heta khelh zel hi ka tum a ni.” tiin alo sawi ve bawk.
Brantwaite duhtu zingah hian Man Utd chiah an lang lova, Arsenal leh Real Madrid pawhin an duh ve a, summer transfer window inhawn hunah lak luh ngei an tum ve dawn niin an tarlang.
Kum 22 a upa Onana pawh Casemiro thlaktu tur atan an duh ve, Onana hian kum 2022 August thla khan Ligue 1 club LOSC LIlle atangin Everton hi a zawm a, kha tihlaia a man chu pound 33 million a ni.
Tun season khelh mekah match 29 inlan tawhin goal 3 a khung mai bakah assist vawi 1 a nei mek.
