Nizan Premiere League khelh takah khan Manchester City chuan 3-1 lai maiin Manchester United an hneh a, goal 3 lai chhuah mahse, Rio Ferdinand chuan United player 3 te chet dan a fak. Player dang te chet that loh laiin Red Devils centre back trio Raphael Varane, Jonny Evans leh Andre Onana te a fak a ni.
Jonny Evans, Raphael Vanrane leh Andre Onana te hi an start vek a, heng player pathum te hi an che tha ang reng a, mahse, an teammate dang te an che tha vak lo niin Ferdinand chuan a sawi.
Evans kha Varane nen an inkawp fuh ang reng hle. Hetihlaih hian goalkeeper Onana pawh a che tha thawkhat viau.
Etihad Stadium lama Red Devils player te chet dan a en hnuin, Rio Ferdinand chuan United player pathum te ti hian a fak.
“Vawiinah goal 3 lai chhuah mahse, Jonny Evans, Varane leh Onana te an performance tha tak zet. centre back pahnih leh goalkeeper te hi zaninah an che tha ber, kan player tha te anni.” tiin Rio chuan HITC kaltlangin a sawi.
Manchester United hian tunkar tawpah Everton chu Old Trafford-ah an hmachhawn leh dawn a, hnehna chan ngei an tum ang. Everton lam hi tun season-ah an che tha vak lova, mahse, awlsam taka hneh theih erawh annih a rinawm lo. Tunah hian table-ah 17 na dinhmun an hauh mek a ni.
