Site icon HUAPZAU

Liverpool laka chakna goal khungtu Amad’an a khelh pui tawha tha a tih ber a sawi!

Manchester United star Amad Diollo chuan Marcus Rashford chu a khelh pui tawh zinga player tha ber anih thu a sawi chhuak.

Kan hriat angin FA Cup quarter final-a Man Utd leh Liverpool te inhmachhawn tum khan Diollo chuan chakna goal a khung a, Man Utd lamin 4-3 in hnehna an chang anih kha.

FA Cup quarter final-a Liverpool an hneh hnu khan Amad chu a khelh pui tawh zinga player tha tih zawh a ni a, a zawttute hi Professional Footballer Association te niin Tiktok lamah an zawt a, kum 21 a upa Amad chuan Murcus Rashford chu a khelh pui tawh zinga tha ber anih thu a sawi.

“I khelhpui tawh zinga tha i tih ber tu nge? tiin an zawt a, Amad chuan, “Rashford” tiin a chhang.

Liverpool an hmachhawn tum khan Marcus Rashford pawhin goal 3 na a khung ve a, ti hian Manchester United tan inelna hrang hrangah match 394 inlan tawhin goal 131 a khung tling tawh a, assist vawi 74 a nei tling bawk.

Hetihlai hian Amad Diollo pawhin Man Utd senior team tan match 13 a inlan ve tawh a, kum 2021 khan Atalanta ataning Man Utd chuan £37 million in an la lut a ni. Liverpool an hmachhawn tumah kawr a phelh avangin yellow card vawi hnihna a hmu a, Semi-Final-a Coventry City an hmachhawn hunah a khel thei dawnlo a ni.

Advertisements
Advertisements
Exit mobile version