Real Madrid forward Rodrygo Slva de Goes chu Premiere League club lian Liverpool chuan tun summer transfer lo awm turah lak luh an duh niin Spanish newspaper SPORT chuan a tarlang.
Hriat angin Spanish club lian Real Madrid hian Paris Saint-Germain superstar Kylian Mbappe chu lak luh an tum hle niin report a awm a, Kylian Mbappe’an Real Madrid a zawm anih chuan Real player thenkhatte hmalam hun pawh a chiang dawn lo a, Rodrygo pawh hi chhuak tur zingah a tel.
Rodrygo hian Los Blancos lamah kum 2028 thleng daih contract a nei mek a, €1 billion lai mai release clause a nei nghe nghe. Hetihlai hian Spain-a report thenkhatin Real Madrid lam hian an player hi hralh an tum bik lo niin an sawi a, mahse, summer transfer lo awm turah hian an hralh chhuah a ngai maithei zawk.
Kum 23 a upa Rodrygo duhtu zingah hian Liverpool hi an langsar ber a, a dinhmun te an zir chiang tawh niin an tarlang.
Tun summer transfer lo awm turah Liverpool hian attacker thar dang pawh an zawn a ngai maithei, a chhan chu tunah hian Luiz Diaz hi PSG lama lut tur anga sawi a awm mek a, Mo Salah hmalam hun pawh a chiang lova, attacker thar an lak luh ngei a ngai dawn nin a lang.
Liverpool chauh hi kum 23 a upa Rodrygo duhtu anni lova, Premiere League club dang Arsenal leh Manchester City pawhin Rodrygo hi lak luh an duh ve bawk.
Kum 2019 khan Real Madrid chuan Rodgrygo hi Brazillian club Santos atangin €45 million in an la lut a, inelna hrang hrangah match 206 inlan tawhin goal 50 a khung mai bakah assist vawi 40 a nei tling mek a ni.
