England star Jude Bellingham’an C Ronaldo leh Owen record neih a khum

England star Jude Bellingham hi Major Tournament hrang hrang pathum a, inlan thei naupang ber a ni a, Legend Cristiano Ronaldo leh Michael Owen te record neih chu a khum a ni.

Real Madrid tan UEFA Champions League nomawi a chawi atanga karkhatnaah, Euro 2024 khel turin a fehchhuak leh a, England chuan an game hmasa berah Serbia an hmachhawn a, Bellingham chuan chakna goal a khung nghe nghe.

Kum 20 a upa Bellingham huan a lu hmangin minute 13 naah a ti goal a, Three Lions points 3 hlawhchhuahna atan a tawk viau mai.

Goal a khung mai bakah Bellingham hi major tournament hrang 3 a inlan thei naupang ber a ni bawk. Tunah hian kum 20 leh ni 353 a upa a ni a, Owen khan kum 22 leh ni 170 anihin major tournament vawi 3 a khel tling a, C Ronaldo khan kum 23 leh ni 123 anihin a khel ve bawk.

Dortmund player hlui Bellingham hian Euro 2020 (2021 a khelh tak), FIFA World Cup 2022 leh Euro 2024 te a khel a ni.

Scroll to Top