Real Madrid chuan Kylian Mbappe lalut turin nakkum June nghah thlen an duh a, a chhan pawh kuminah Mbappe lâkluh nana €200 million insên an tum loh vang a ni. (Relevo)
Harry Kane chuan kumin nipui bazar hian Bayern Munich zawm a duh a, chutihrualin Kane man tura Bayern bid theh luh vawihnih lai chu hnawl a lo ni tawh. (ESPN)
Tottenham Hotspur chuan an striker Harry Kane chelhbeh ngei an tum a, karkhatah £4,00,000 hlawh turin contract thar an zawrh dawn. Head coach thar Ange Postecoglou pawhin Kane hi a hma hun tur chungchangah a titi pui thuai dawn bawk. (Daily Telegraph)
Brighton & Hove Albion midfielder Moses Caicedo chuan Chelsea sawmna a hnar loh tur thu a sawi chiang a, Ecuadorian international transfer chungchangah Chelsea leh Brighton te pawhin inbiakna an kalpui mêk. (Maria Jose Flores)
Andre Onana transfer chungchanga Manchester United leh Inter Milan te inbiakna chuan a vawrtawp a thleng hnai a, Red Devils chuan Cameroon goalkeeper man tur a tawp nan Inter Milan phut zat bid an theh lut ang. (Fabrizio Romano)
Michael Olise chuan Arsenal zawm tumna a nei lo maithei a, a chhan pawh Crystal Palace ah hun nuam tak a hman mêk vang a ni. (The Sun)
Liverpool chuan an defense lam tichak zual turin Torino defender Perr Schuurs chu lakluh tumin an ngaihven mêk. (Football Insider)
Manchester City full back Joao Cancelo leh Tottenham Hotspur midfielder Giovani Lo Celso te chu Barcelona in lâkluh an duh a, amaherawhchu an sum dinhmun zir lo luatah loan a hawh chu an duhdan a ni. (Javi Miguel)
Dusan Vlahovic transfer chungchangah Paris Saint Germain chuan Juventus lam an be pawp tawh a, Serbian international hi Chelsea nen pawha sawizawm anni mêk. (Le Parisien)