Paris Saint Germain chuan Kylian Mbappe leh Real Madrid te chu nakkumah a thlawna in sign turin inremna an nei fel diam tawh an ring a, chuvang chuan kuminah France striker hi a ngam huai huai hnenah an hralhchhuak dawn. (Sky Sports)
Mbappe chuan kumin chhung la la hian Paris Saint Germain a chhuahsan a ngai maithei tih a hria a, Real Madrid chu a kalna awm ber a ni bawk. (ESPN)
Mbappe an Premier League lam a pan dawn rau rau anih chuan Arsenal chu a kal chakna ber a ni a, a chhan pawh Mikel Arteta hnuaia Arsenal hmasawnna chuan a hip vang a ni. (Independent)
Borussia Dortmund chuan an forward hlui tuna Manchester United tana khel mek Jadon Sancho chu lakkir leh dan an ngaituah mek a, a player berin erawh Old Trafford a la cham rih a duh thung. (Sky Germany)
Liverpool chuan Romeo Lavia mana Southampton phut zat £50 million theh chhuah an tum lova, kum 19 a upa Belgium international sign tum hian theihtawp an chhuah lem lo bawk. (Athletic)
Inter Milan chuan an goalkeeper Andre Onana thlaktu tur atan Tottenham Hotspur goalkeeper Hugo Lloris lakluh an duh. Kum 36 a upa keeper hi Saudi lam atangin kum hnih chhung daih tur contract offer a dawng bawk. (Sky Sports)
Newcastle United chuan Harvey Barnes transfer chungchangah Leicester City an be pawp tawh. Kum 25 a upa hian season hmasa khan league goal 13 khungin Premier League club dang West Ham United leh Aston Villa te pawhin an duh. (Guardian)
Atletico Madrid manager Diego Simeone chuan Saudi Arabian club Al Ahli manager ni tura sawmna a dawn chu a hnawl dawn. (ESPN)
Chelsea manager thar Mauricio Pochettino chuan Harry Kane nena inkungkaihna tha tak an neih thu a sawi rualin club dang player anih avanga a chungchang thu sawi chiam thei anih loh thu a sawi. (Sky Sports)
Bayern Munich, Sheffield United leh Saudi lam ngaihven mek Manchester City defender kum 33 a upa Kyle Walker chuan a hma hun turah thutlukna a siam fel thuai ang. (Fabrizio Romano)