Kylian Mbappe chuan kumin nipui bazara PSG a chhuahsan chuan season khata a hlawh tur €240 million a phut. Frenchman hi Real Madrid chuan kumin nipui bazarah lakluh an tum lova, nakkumah a thlawna lakluh an tum thung ang. Kum 24 a upa hi Liverpool leh Chelsea te nena sawizawm anni bawk. (Marca)
Athletico Paranaense atanga Barcelona zawm tum kum 18 a upa Brazilian striker Vitor Roque chu Manchester United in hijack an tum. (Mundo Deportivo)
Tottenham Hotspur striker Harry Kane man tura an bid theh luh hmasak ber €70 million chu hnawl anih hnuin Bayern Munich lam chuan bid thar theh lut leh turin an inbuatsaih mek. (Fabrizio Romano)
Newcastle United chuan an midfield lai thawmtha turin Manchester City midfielder Kalvin Phillips bakah Chelsea rawlthar Conor Gallagher te lakluh an tum dawn. (Telegraph)
Juventus striker Dusan Vlahovic man tura Chelsea bid theh luh €60 million chu hnawl a ni a, Serie-A club hian an forward manah €70 million an chhiar. (Corriere della Sera)
Real Madrid midfielder Aurelien Tchouameni man tura an bid theh luh €80 million hnawl anih hnuin Arsenal chuan bid thar €90 million theh luh an rilruk mek. (Defensa Central)
Manchester United chuan Rasmus Hojlund man tura an bid theh luh £30 million hnawl anih hnuin bid thar £40 million offer an tum a, hei hi Atalanta lam beisei zat pawh a ni. (Sun)
Atalanta chuan an Danish striker Rasmus Hojlund manah £85 million chhiar hman zet mahse tunah erawh £50 million in an chhuah phal thung. (Alfredo Pedulla)
Real Madrid chuan Liverpool lakluh thar Dominik Szoboszlai chu an enthla chho tan dawn a, hma hunah lakluh dan an ngaituah ang. (Defensa Central)
Manchester City ah Aymeric Laporte hma hun zel tur a chiang lova, Spanish centre back hi Juventus bakah Arsenal te nena sawizawm anni. (Mundo Deportivo)
Barcelona chuan Arsenal rawlthar kum 20 a upa Miguel Azeez chu kumin nipui bazar hian a thlawna lakluh an tum dawn. (SPORT)