Al Hilal chuan nakkum nipui bazarah Barcelona striker Robert Lewandowski lâkluh an tum dawn. Al Hilal hian kuminah player hrawl tak tak Sergej Milinkovic-Savic, Ruben Neves leh Kalidou Koulibaly te an lâkluh theih avangin nakkumah Lewandowski pawh hi lâkluh theih ngei an inbeisei. (Mundo Deportivo)
Saudi Arabian club Al Hilal chuan transfer chungchangah Kylian Mbappe biakna hun remchang an nei thei dawn lova, a chhan pawh a player berin eng inbiakna mah neih a duh loh vang a ni. PSG lam chuan Real Madrid leh Mbappe te hi transfer chungchangah a rukin an inrem fel diam tawh ah an ngai. (Telegraph)
Bayern Munich hnenah David De Gea chu zawrh ni mahse Bundesliga champion hian Man Utd goalkeeper hlui kum 32 a upa hi lâkluh tumna an nei lem lo. (Sky Sports)
Arsenal leh Manchester United forward hlui Alexis Sanchez chu Premier League lamah a kir leh maithei a, Nottingham Forest chuan Chile international hi lâkluh an rilrûk mêk. (The Sun)
Manchester United in Rasmus Hojlund an lalut duh takzet anih chuan €70 million an theh chhuah a ngai dawn. Nimin lam khan Red Devils chuan Hojlund man tur €60 million an offer a, heihi Atalanta lamin an hnâwl ngei in a rinawm. (Fabrizio Romano)
Paris Saint Germain pawhin Rasmus Hojlund hi lâkluh an duh a, a hlawh tur pawh United lam aia pêk tam an inhuam. (Gianluca Di Marzio)
Romeo Lavia man tura an offer hmasa ber £35 million hnâwl anih hnuin Liverpool chuan offer thar an chhawpchhuak leh dawn. Saints lam chuan an Belgium midfielder manah hian £50 million an chhiar. (The Athletic)
Luis Suarez chuan Inter Miami ah a teammate hlui Lionel Messi, Sergio Busquets leh Jodri Alba te a zawm rih mai dawn lova, a lo berah kumin kum tawp thleng chu a club khelh mêk na Gremio ah a la cham ang. (ESPN)
Premier League champion Manchester City chuan an defender pawimawh Nathan Ake chu contract thar an ziahpui hnai. (Mail)
Juventus sporting director Cristiano Guintoli chuan London lam a pan dawn a, Romelu Lukaku transfer chungchangah Chelsea hotute a hmu dawn. Juventus hian Lukaku hi loan a hawh an rilrûk mêk. (Calciomercato Web)
Napoli lamin beisei mêk mahse Tottenham Hotspur head coach Ange Postecoglou chuan an Argentine midfielder Giovanni Lo Celso chu kumina club chhuahsan lo turin a duh. (Evening Standard)
AS Roma lamin ngaihven mêk mahse Everton chuan an striker Dominic Calvert Lewin chu kumin hian hralhchhuah tuman an nei lo. (Mail)