Atalanta in an striker Rasmus Hojlund mana an chhiar zat £86 million chu an tihniam deuh lo anih chuan Manchester United in an ngaihven zui zel tawh lo maithei a, a aiah forward dang Eintracht Frankfurt striker Randal Kolo Muani emaw Ajax attacking midfielder Mohammed Kudus lam an hawi ang. (The Times)
Man Utd in Mohammed Kudus hi an lalut duh takzet anih chuan hma an lâk thuai a tul dawn a, a chhan pawh Ghana international hian mimal thilah Chelsea chu inremna neihpui tawhin Arsenal lam nen pawha sawizawm mêk annih vang a ni. (Caught Offside)
Tottenham Hotspur in an stiker chhuanvawr Harry Kane chu Bayern Munich lama an chân anih chuan a thlâktu turin France leh Frankfurt striker Randal Kolo Muani lâkluh an tum ang. (BILD)
Manchester United chu Real Madrid atanga David Alaba lâkluh theihna hun remchang siamsak anni dawn. (El Nacional)
Transfer chungchangah Real Madrid leh Kylian Mbappe aiawtute an inbe tan a, Los Blancos hian Kylian Mbappe chu a man phû tawk vel nia an hriat bak chuan dawr an tum lo. France captain hi Al Hilal chuan lâkluh tumin tan an khawh mêk a, a manah €300 million chu PSG hnenah an offer. (ESPN)
Arsenal chuan Bitello chungchangah Gremio an dawr mêk a, team pahnihte indawrna erawh beisei ang aiin hma a sawn chak lo. (Fabrizio Romano)
Romeo Lavia man tura Liverpool offer hmasa ber £35 million chu Southampton lamin an hnâwl a, Siants chuan an midfielder manah hian £50 million an phut. Belgium international hi Chelsea lam pawhin an ngaihven mêk. (Guardian)
Manchester United chuan an midfielder Scott McTominay manah £40 million an phut a, Scottish international hi West Ham United chuan Declan Rice thlâktu tura lâkluh an rilruk mêk. Hammers hian Southampton captain James Ward Prowse pawh lâkluh an duh. (Daily Mirror)
Bayern Munich nena sawizawm mêk Kyle Walker chu chelhbeh ngei tuma theihtawp an chhuah tur thu Manchester City boss Pep Guardiola chuan a sawi. (BBC)
Bayern Munich chuan nipui bazar inkhar hma ngei a Harry Kane an lâkluh fel hman an ring a, England captain pawh hian Bundesliga champion zawm a hreh lo. (Sky Sports)