Bayern Munich chuan an midfielder Joshua Kimmich man tur Manchester City, Liverpool leh Manchester United te atanga offical bid an dawn an beisei. Bundesliga champion chuan German international manah hian €70 million an chhiar ang. (Fichajes)
Al Hilal chuan Kylian Mbappe an dawr tan a, a man tur pawh Paris Saint Germain hnenah €300 million bid an theh lut. (Fabrizio Romano)
Tottenham Hotspur neitu Joe Lewis chuan club chairman Daniel Levy hnenah Harry Kane an contract thar ziah loh chuan kuminah hralhchhuak turin a hrilh. (Mirror)
Bayern Munich chuan Harry Kane chu kum li chhung daih tur contract ziahpui an duh a, an lâkluh theih ngei pawh an beisei. (Bild)
Manchester City nena sawizawm mêk Alejandro Balde chu Barcelona lamin thlungheh ngei an duh a, a contract neihlai pawhsei tumin hma an la mêk. (Mundo Deportivo)
Monaco centre back Axel Disasi chuan kalna tur a haihchham dawn lova, tun dinhmunah Premier League club pathum Arsenal, Chelsea leh Manchester United te chuan French international hi lâkluh tumin an ngaihven mêk. (Sun)
Al Ittihad lam pan tur Fabinho chuan a ui pahnih lei thar chu Saudi lamah a hruai tel thei lo maithei a, a chhan pawh Bull dog thlah ang hi Saudi lama vulh khap anih vang a ni. (Express)
Borussia Dortmund chuan season hmasa chawhnu lam loan-a Man Utd zawmtu Marcel Sabitzer chu Bayern Munich atangin €19 million in an lalut hnai. (Sky Sports Germany)
Chelsea chu an striker Romelu Lukaku lakah dawhtheihna an tlachham tan viau a, a chhan pawh Belgium international hian Saudi lam sawmna hnâwl mahse Europe ah club thar zawm tur a hmuh theih mai loh vang a ni. Chelsea chuan Lukaku hi kawl chhunzawm an duh lova, kuminah hralhchhuah ngei an tum. (Gazetta dello Sport)
Chelsea forward Hakim Ziyech chuan Saudi Arabian club a zawm hnai. Moroccan international hian Al Nassr a zawm hman tep a, mahse medical test a paltlang loh avangin a transfer a tlawlh a ni. (TeamTalk)
Ousmane Dembele chuan Saudi lam offer mawm zet mai a hnâwl a, France international hian Europe a la khelh chhunzawm zel a thlang. (Foot Mercato)
West Ham chuan Liverpool striker hlui tuna AC Milan tana khel mêk Divock Origi lâkluh dan ngaituah a, Belgium striker hi Milan pre season squad a telh a ni lova, kumin nipui bazarah €10 million vela San Siro a chhuahsan a rinawm. (Gazetta dello Sport)
Atletico Madrid chuan Marco Verratti chungchangah Paris Saint Germain an be pawp tawh a, Italian midfielder hi midfielder thar lâkluh ngei tum Liverpool lam pawhin an ngaihven mêk. Atletico in Verratti an lalut thei lo anih chuan Tottenham Hotspur midfielder Pierre-Emile Hojbjerg lâkluh an tum ang. (Marca)