Kylian Mbappe chuan nakkumah a thlawna PSG chhuahsan a duh avangin season tluana substitution bench luahlum a inpeih. Hetih mêk lai hian Paris Saint Germain chuan Mbappe hi kuminah hralhchhuah an duh a, season thara an ruahmannaa an telh loh avangin pre season tour nei tur pawhin a zinchhuak ve lo. (Sky Sports)
Bayern Munich chuan Tottenham Hotspur striker Harry Kane man tur bid thar an theh lut leh dawn a, an bid vawithumna hian €100 million a kai ang. (Bild)
Jordan Henderson chuan Al Ettifaq ah hlawhtling takin medical test a nei fel tawh a, contract thar a ziah hnuah official annoucement in a zui ang. (Fabrizio Romano)
Atalanta hi an striker mana €70 million + add ons €10 million an phut chu Manchester United lamin sang hret an la ti. (Sky Sports)
Chelsea chuan Ajax attacking midfielder Mohammed Kudus lâkluh an rilrûk a, mimal thilah inremna an neihpui hnai. (Athletic)
Newcastle United chuan Southampton full back Tino Livarmento lâkluh tumin £30 million bid an theh lut a, Saints lam erawhin an English rawlthar manah hian £50 million an phut thung. (TalkSport)
A club hlui Crystal Palace lamin an ngaihven mêk Aaron Wan Bissaka chu Manchester United in a contract neihlai a thla 12 dang pawhsei theihna dan awm chu hman an rilrûk. (Sun)
Aleksandar Mitrovic chuan Saudi Arabian club Al Hilal chu mimal thilah inremna a neih fel pui tawh a, chutihrualin a chhuah dawn chuan a man a tlawm lovang. Al Hilal lam bid theh luh vawihnih lai mai chu Fulham lamin an hnâwl a, an forward man tura Saudi club dang Al Ahli offer €40 million pawh an lo hnawl tawh. (Fabrizio Romano)