Atalanta lamin an striker Rasmus Hojlund man €70 million chu an tihniam deuh lo anih chuan Manchester United in Frankfurt leh France forward Randal Kolo Muani lâkluh an tum ang. (ESPN)
Arsenal chuan Ajax forward Mohammed Kudus lâkluh an tum dawn a, amaherawhchu a man tur player hralhna atanga an hmuh a ngai ang. Thomas Partey, Kieran Tierney, Cedric Soares, Nicolas Pepe, Albert Sambi Lokonga, Nuno Tavares leh Rob Holding te chu kumina Emirates Stadium chhuahsan thei tur te anni. (Daily Mail)
Atletico Madrid forward Joao Felix chuan Barcelona zawm a duh a, a naupan tet ata tawh a lo suangtuah thin thu a sawi bawk. (Fabrizio Romano)
Real Madrid forward Rodrygo chuan Paris Saint Germain forward Kylian Mbappe an Real Madrid lam rawn pan ve ngei se a duh thu a sawi. (Sport TV)
Liverpool chuan Saudi lamah an midfielder Fabinho an chân chuan a thlâktu turin Fulham midfilelder Joao Palhinha lâkluh an tum dawn. Portuguese international hi West Ham lam pawhin an captain chhuak ta Declan Rice thlâktu tura lâkluh an duh a, Fulham lam chuan an midfielder kum 28 a upa manah hian £60 million an phut. (Liverpool Echo)
Liverpool forward Luis Diaz chu Saudi lam nena sawizawm anni a, amaherawhchu Reds hian Colombian international hi an chhuah phal in a rinawm loh. (Record)
Moses Caicedo man tura an bid theh luh hnuhnung ber £70 million Brighton lamin an hnâwl hnuin Chelsea chuan bid thar £80 million theh luh leh an tum mêk. (Daily Mail)
Tottenham Hotspur chuan Blackburn rawlthar beiseiawm Ashley Phillips an lalut dawn a, kum 18 a upa defender hian Spurs pre season tour a zawm ve nghal ang. (Lancashire Live)
Alex Telles chuan Manchester United atangin £4 million leh add ons tlemin Al Nassr a zawm dawn a, kum 30 a upa hian season khatah €7 million leh bonus tlem a hlawh ang. (Fabrizio Romano)