Manchester United in Andre Onana an lâkluh fel hunah Rasmus Hojlund an dawr chho tan tak tak ang. Cameroon goalkeeper Onana hi tunkar chhung ngei a Man Utd player anih hman a rinawm. (Daily Telegraph)
West Ham United in loan a Harry Maguire hawh an dilna chu Manchester United in an hnâwl a, Red Devils chuan an captain hlui hi £50 million vela hralhchhuah an duh. (Guardian)
Manchester United leh West Ham United te chuan Bayern Munich midfielder Leon Goretzka lâkluh tumin tan an la mêk. (Sky Sports Germany)
Arsenal leh Liverpool te chuan kumin nipui bazarah midfielder thar lâkluh nan sum tam tak insêng tawh mahse an la duhtawk lo niin a lang a, Southampton midfielder beiseiawm tak Romeo Lavia lâkluh tumin tan an la leh dawn. (Football Tranfers)
Fabinho an Saudi lam a pan chuan Reds in a thlâktu turin Crystal Palace midfielder Cheick Doucoure lâkluh an tum ang. (Football Transfer)
Chelsea chuan Brighton midfieder Moses Caicedo lakluh tumin bid thar an theh lut leh dawn a, kum 21 upa Ecuadorian international manah hian Blues chuan £70 million sên an inhuam. (Evening Standard)
Paris Saint Germain lamin hel mêk mahse Harry Kane chuan Ligue 1 lam pan tumna a nei lova, tun dinhmunah Bayern Munich chu a zawm duh ber a ni mêk. Bavarians lam pawhin Spurs striker hi transfer window inkhar hma ngei a lâk fel an tum ang. (Daily Telegraph)
Tottenham Hotspur in Harry Kane an chân anih chuan Brentford striker Ivan Toney lâkluh an tum ang. English international hian betting dan a bawhchhiat avangin FA chuan nakkum January thla thleng inkhel thei lo turin a hrem. (Football Transfers)
Barcelona president Joan Laporta chuan Manchester City playmaker Bernardol Silva lâkluh ngei a duh thu a sawi. (Football Espana)
Paris Saint Germain chuan Bernardo Silva lâkluh tumin €70 million bakah an midfielder Marco Verratti offer tel mahse Manchester City lam chuan an hnâwl. (SPORT)
Real Madrid chuan an academy player te hralhna atangin kuminah €25 million vel hmuh tlin an inbeisei. (MARCA)