Paris Saint Germain chuan an forward Kylian Mbappe an contract thar a ziah theihnan a khelhpui tur tha tak lâkluh an duh a, Napoli striker Victor Osimhen chu an top target a ni. (Sport)
Bayern Munich lâkluh tum mêk Tottenham Hotspur striker Harry Kane chu Paris Saint Germain in hijack an tum. (Independent)
Tottenham Hotspur chuan kumin nipui bazarah Harry Kane an chan ngei an ring a, a thlâktu turin Juventus striker Dusan Vlahovic lâkluh an rilrûk. (Rudy Galetti)
Achraf Hakimi chu Kyle Walker thlâktu tura Manchester City beisei ruk a ni a, Morocco international hian Etihad Stadium lama insuan a hreh lo bawk. (Football Insider)
Bernardo Silva chu kumina Manchester City chhuahsan thei reng a ni a, Barcelona leh Paris Saint Germain te chuan Portuguese international hi lâkluh tumin tan an la mêk. (Mundo Deportivo)
Manchester United chu Fiorentina midfielder Sofyan Amrabat lalut tura dinhmun tha berah an ding mêk a, club a season khat bak contract nei tawh lo Morocco international manah hian Fiorentina chuan £26 million vel an chhiar. (Corriere dello Sport)
Inter Milan chuan Romelu Lukaku man tur Chelsea hnenah €40 million bid an theh lut a, Lukaku erawh in Inter lam sawmna hi a la pawm mai lo. Belgium striker hian transfer chungchangah Juventus lam a be pawp a, hemi avang hian Inter chu a lungni lo hle nghe nghe. Juventus hian Vlahovic an hralhchhuah chuan Lukaku lâkluh an tum ang. (Fabrizio Romano)
Chelsea striker Pierre Emerick Aubameyang chu French club Marseille lamin tun hnai mai khan an ngaihven thar. (Relevo)
Alphonso Davies chu season tharah pawh Bayern Munich a la cham chhunzawm a duh a, nakkumah contract thar a ziak lo anih chuan Real Madrid in lâkluh an tum ang. (BILD)
Oriol Romeu chungchanga Barcelona leh Girona te inbiakna chuan hmasawn lam a pan zel a, club pahnihte hi kum 31 a upa Spanish midfielder manah €5 million + add ons tlema an inrem fel theih a rinawm. (Marca)
Jordan Henderson chuan Al Ettifaq lam a pan thei lo maithei a, a chhan pawh Al Ettifaq neitu Public Investment Fund chuan England international kum 33 a upa manah hian £20 million an theh chhuah hreh deuh vang a ni. (Mail)