Paris Saint Germain manager thar Luis Enrique chuan tuna an goalkeeper kawl mêk Gianluigi Donnarumma chu hralhchhuaha a thlâktu tur atan Real Madrid siban vengtu Thibaut Courtois lakluh a duh. (Defensa central)
Paris Saint Germain-a a hma hun chiang lo Neymar chu Chelsea lamin an thlithlai mêk a, Brazilian international hian Parc des Princes chhuahsan tura thutlûkna a siam chuan Blues in lâkluh an tum ang. (Le Parisien)
Saudi Arabian club Al Ahli chuan £30 million in Manchester City winger Riyad Mahrez lâkluh an tum dawn. (Athletic)
Tottenham Hotspur chuan an striker Harry Kane chu kartin £4,00,000 hlawh turin contract thar an zawrh dawn a, contract thar a ziah chuan inkhelh a chawlhsan hunah Spurs in coaching hna an pe dawn bawk. (Telegraph)
Liverpool midfielder Thiago Alcantara chuan kumin hian Anfield a chhuahsan thut maithei a, a club hlui Barcelona lama kir leh a châk hle. (SPORT)
Tottenham Hotspur chuan an player lâkluh tum Wolfsburg centre back Micky van de Ven chu Liverpool lamin an hijack mai ang tih an hlau ru hle. Spurs hian Chelsea rawlthar Levi Colwill pawh an beisei mêk a, amaherawhchu Colwill hi Liverpool leh Manchester City te pawhin an duh. (Evening Standard)
Besiktas in Arsenal defender Rob Holding man tura €2.5 million bid an theh luh chu Gunners lamin an hnâwl ngeiin a rinawm. (Athletic)
Bayern Munich chuan Real Madrid midfielder Aurelien Tchouameni lâkluh tumin €100 million bid an theh lut dawn. (SPORT)
Fred lâkluh tuma Galatasaray bid theh luh hmasak ber chu Manchester United in an hnâwl. Kum 30 a upa Brazilian international hi Galatasaray bakah Fulham leh Saudi club te’n an hel mêk. (Fabrizio Romano)