Manchester United chuan season hmasa chawhnu lam loan a Chelsea zawmtu Atletico Madrid forward Joao Felix chu loan a lâkluh dan an ngaituah mêk. Aston Villa leh Newcastle lam pawhin Portuguese ineternational in an ngaihven bawk. (ABC)
Liverpool legend Jordan Henderson chuan sum tam hlawh turin Steven Gerrard team thar Al Ettifaq sawmna a pawm fel tawh a, English international transfer chungchangah club pahnihte an indawr mêk. (Athletic)
Transfer chungchangah Liverpool boss Jurgen Klopp chuan Southampton rawlthar Romeo Latvia a titi pui tawh a, Reds chuan kum 19 a upa Belgium international hi lâkluh an tum dawn. (Sacha Tavolieri)
Paris Saint Germain chuan Harry Kane man tur bid €100 million an theh lut dawn a, England captain erawh in PSG ai chuan Bayern Munich lam pan a duh zawk thung. (RMC Sport)
West Ham chuan Arsenal in Declan Rice transfer official a an puang har lutuk chu an lungawi lo tan viau a, a chhan pawh Hammers hian Rice thlâktu tur player thar dawr tan an duh tawh vang a ni. (The Sun)
Inter Milan chuan Romelu Lukaku manah £25 million offer an chhawpchhuak a, Chelsea lamin erawh an striker manah hian £40 million an phut thung. (Daily Telegraph)
Barcelona chuan Manchester City winger/midfielder Bernardo Silva lâkluh tumin tan an la thar leh dawn a, Portuguese international hi an lalut thei lo anih chuan Tottenham Hotspur midfielder Giovani Lo Celso lam an hawi ang. (Mundo Deportivo)
Inter Milan in an goalkeeper man £51 chu an tihniam deuh lo anih chuan Man Utd in Onana dawrna kalpui zel an tum tawh lo. Red Devils hian kum 27 a upa Cameroon goalkeeper manah hian £43 million bak insen an tum lo. (The Sun)
Lyon star Rayan Cherki chuan Chelsea zawm a duh a, £35 million vela Stamford Brigde lam a pan theih a rinawm. Real Madrid chuan French forward hi lâkluh an lo tum tawh. (ESPN)