Football transfer thu tharlam

Sofyan Amrabat transfer chungchangah Manchester United leh Fiorentina te chuan inbiakna an nei tan a, Ten Hag chuan 2022 FIFA World Cup a che tha tak Morroco international hi a midfield lai tichak zual tura lakluh a duh. (Sky Germany)

Manchester United chuan an captain Harry Maguire manah £50 million an chhiar. Red Devils in Raphael Varane leh Lisandro Martinez te an kawl avangin Maguire tan hmun chan tam a har hle. (Manchester Evening News)

Barcelona chuan an Spanish forward Ferran Torres chu loan a chhuahtir an rilruk mek a, a ngheta lakluh theihna dan pawh tel nghal se tih an duh. Torres hian Barca ah hmun nghet a chan theihnan theihtawp chhuah duh mahse Xavi ruahmanna ah a tel lova, club lam chuan an sum dinhmun ti tha deuh tura chhuahtir an duh. (SPORT)

Juventus midfielder Paul Pogba chuan Saudi lam sawmna a hnawl dawn a, a chhan pawh 2024 Euro ah France tana inlan leh ngei a duh vang a ni. (L’Equipe)

2023/24 season zawh ruala Carlo Ancelotti an Real Madrid head coach hna a bansan dawn avangin Los Blancos chuan an manager thar ni turin Bayer Leverkusen manager Xabi Alonso lakluh an duh. (Laolal)

Tottenham Hotspur manager thar Ange Postecoglou chuan an striker chhuanvawr Harry Kane chelhbet turin theihtawp a chhuah dawn a, club lam pawhin kum 29 a upa England international in karkhata £4,00,000 hlawh tura contract thar ziahpui an tum dawn. (Telegraph)

Chelsea winger Hakim Ziyech chuan Al Nassr sawmna a hnawl a, a chhan pawh a tira season khat chhunga £13 million hlawh tura an inremna chu Al Nassr lam hian 40% laia tihhniam leh an tum vang a ni. (CBS Sport)

Andre Onana transfer chungchangah Manchester United leh Inter Milan te an inrem fel tawh a, mimal inremna an neihfel leh hunah Onana an Man Utd a zawm ang. (Mail)

Al Hilal chuan Manchester City winger Bernardo Silva manah £60 million an theh chhuah ngam thu an sawi. (CBS Sports)

Arsenal chuan kum 23 a upa Gremio star Bitello chu lakluh an duh a, Bitello hi centre mdifield bakah right wing a khel thei a ni bawk. (Potal Do Gremista)

Chelsea chuan Juventus striker Dusan Vlahovic dinhmun an zirchiang mek a, Old Lady lam chuan an striker hi a chhuah dawn chuan a manah £70 million an chhiar ang. (Alfredo Pedulla)

Eintracht Frankfurt forward Randal Kolo Muani lalut turin Paris Saint Germain dinhmun a tha ber mek a, France international hi Manchester United, Real Madrid leh Bayern Munich te nena sawizawm anni ve bawk. (Independent)

Tottenham Hotspur chuan Wolfsburg midfielder Micky van de Ven chu £25 million a an lakluh theih ngei an beisei.