Real Madrid chuan Kylian Mbappe man tur €200 million offer chhawpchhuak turin an inbuatsaih mek. (El Chiringuito)
Tottenham Hotspur chuan an striker Harry Kane chu contract thar mawm tak an zawrh a, tuna a kartin hlawh mek £2,00,000 aia tam fe hlawh turin an thlem mêk. Kane erawh in contract thar ziah a la hmanhmawh lova, club lian danga insawn a duh mah zawk. (Guardian)
Transfer chungchanga Bayern Munich boss Thomas Tuchel an a ruk a rala Kane a lo biak avangin Spurs chairman Daniel Levy a lawm lo hle. (BILD)
Liverpool chuan kumin nipui bazara an player lakluh thar pathumna ni turin Romeo Lavia sign an duh a, Southampton rawlthar manah £50 million aia tam hret theh chhuah an inhuam. (Mundo Deportivo)
Ferran Torres chu season thar atana manager Xavi ruahmanna ah a tel lova, amaherawhchu Spanish international hian club chhuahsan tumna a nei lo thung. (Mundo Deportivo)
Riyad Mahrez chuan Saudi club a pan theihnan Public Investment Fund te nen inremna an nei tawh a, Manchester City in an chhuah phal ang em tih a nghak mêk. (Sports Zone)
Chelsea chuan AS Roma forward Paulo Dybala agent chu transfer chungchangah an be pawp a, Argentine international hian Serie-A club lo rampawn club zawm turin release clause €12 million bak a nei lo. (Pedro Almeida)
Chelsea ah la cham leh lawk ila, Blues chuan an midfield lai thawmtha turin Lazio midfielder Sergej Milinkovic Savic chu sign an duh. (II Tempo)
AS Roma chuan Manchester United midfielder Scott McTominay lakluh an duh a, kum 26 a upa hi Jose Mourinho chuan a hnuaia khel leh atan a awt. (Gianluca Di Marzio)
Inter Miami chuan Chelsea leh Real Madrid forward hlui Eden Hazard lamah an min an len mek. (Relevo)
Arsenal leh Ajax te chu Jurrien Timber manah €40 million + €5 million in an inrem fel a, Dutch international kum 22 a upa hian tunkar chhung ngei in Emirates Stadium ah medical test a nei fel hman ang. (Athletic)