Football khawvelah hian transfer window hi a pawimawh hle, an player duh ang tak an lak theihna te, an player duh loh chhuah theihna hun a ni bawk. Club tam tak chu transfer window-ah hian an squad te an siam danglam a, an duh ang tak player lak luh nan an hmang.
Tunah pawh hian transfer window a inhawng mek a, tun thla (August) a ral rual hian transfer window pawh an khar ve nghal dawn a ni.
Engpawhnise, tun tumah hian Football transfer history a, transfer lungngaihthlak Top 5 te kan rawn tarlang ve leh dawn a ni.
5 Robin van Persie (Arsenal to Manchester United)
Arsenal chuan kum 2004 khan Feyenoord atangin Robin van Persie chu €4.5 million (Euro maktaduai 4.5) in an la lut a. A generation-ah striker tha ber pakhat ani a, Gunners ah hian kum 8 lai mai hun a hmang hman a ni.
Mahse, 2012 summer transfer lai khan, Manchester United chuan €30 million (Euro maktaduai 30) lai maiin an la lut ta a ni. Arsenal fan te tan chuan a duhawm lo khawp ang. Van Persie’an Arsenal a chhuahsan chhan pakhat nia an sawi chu, trophy chawi duh vangin Sir Alex Ferguson hnuaia khelh kha a duh niin an sawi.
Manchester United lama a insawn hnu season khat naah Van Persie hian Premiere League nomawi a chawi nghal a. Premiere League bikah match 38 a khelh atangin goal 26 lai khungin Premiere League Golden Boot a dawng nghal nghe nghe. Hei mai ani lo Assist vawi 15 lai a nei nghal a, Red Devils tan chuan a hlu hle.
Premiere League productions chuan kum 2020 khan Van Persie chu interview an neih pui a, ti hian a sawi.
“Ferguson hian Manchester United thlang thei turin min siam danglam a ni. A chhan chu United a enkawl dan avan te, a chanchin ka hriat tawh avang tein a ni.
“Hnehna chan hi ka duh tak zet a, Giggs, Carrick, Scholes, Vidic, Ferdinand te hi hnehna changtu te an ni. Engkimah hnehna an chang. Anmahni zingah hian tel ve ka duh a, Hnehna chang reng duhmi ka nih angin, hnehna ka chang thei lova, hnehna chan dan thiam team ah hian khelh ve ka mamawh tak zet a ni.” tiin a sawi nghe nghe.
4 Roberto Baggio (Fiorentina to Juventus)
Robero Baggio hi II Divin Codino tia hriat lar a ni bawk. Ballon d’Or dawng tawhin, football history-a playmaker tha ber pakhat anga sawi thin a ni. Fiorentina-ah kum 5 chhung hun a hman hnuin, kum 1990 khan an elpui ber Juventus lamah a insawn a. Kha tih laia aman chu £8 million (pound maktaduai 8) lai a ni.
Fiorentina a pan avang hian khawlaiah buaina a chhuak nasa hle a, mi 50 lai ten hliam an tuar a, Baggio chu fans te chhang let turin an hrilh a, ti hian a sawi. “He transfer hi pawm tura tihluih ka ni” tiin a sawi.
3 Fernando Torres (Liverpool to Chelsea)
Kum 2007 khan Fernando Torres chuan Atletico Madrid atang Liverpool a zawm a, Premiere League lamah a che hit nghal hle. 2007-08 season khan Liverpool tan all competion match 46 a khelh atang goal 33 a khung mai bakah assist 5 a nei tling nghal a ni.
Steven Gerrard te ho nen an inkawp fuh ang reng hle a, rei vak lovah Liverpool chu title challenger an rawn ni chho nghal. 2008-09 season Preimiere League table-ah pahnihna dinhmun an hauh a, Manchester United champion in point 4 in an pha lo a ni.
Mahse, 2010-11 season laihawl vel atang khan Chelsea chuan Torres an rawn ngaihven, player nena inthleng puiah an rawn sawm. An sawmna chu Liverpool lam hian an lo hnawl sak a ni. Mahse, Torres hian Chelsea chu a pan ta thova, Liverpool chuan an hralh chhuak ta a ni kha tih lai khan Chelsea fans tamtak te rilru a na hle niin an sawi.
Chelsea a pan hnu hian hliam neuh neuhin a ti buai ve reng a, a hlawhchham kan ti thei ang. Chelsea-ah khan Liverpool lama a chet dan a pha lo hle a, Mahse, Champions League, FA Cup leh Europa League nomawi te a chawi thung.
2 Luis Figo (Barcelona to Real Madrid)
FC Barcelona leh Real Madrid hi football history club-ah inhal ber an ni hial maithei. An game hming pawh El Clasico tia vuah ani nghe nghe. Player thenkhat chu club pahnih tana khel kawp ve ve an awm a, Luis Figo pawh hi a tel.
FC barcelona lama Luis Figo a khelh lai khan khawvel winger tha ber pakhatah a inchhuah. Fans leh pundit hrang hrang ten an ngaisang hle. Mahse, Real Madrid president candidate Florentino Perez chuan Santiago Bernabeu lama Luis Figo lak luh chu a tum tlat a, a hlawhtling nghe nghe.
Kum 2000 khan Real Madrid chuan Figo release clause neih €62 million chu pe in Santiago Bernabeu lamah an la lut ta a ni. Barcelona fans te chuan Figo chu phatsantu an ti a, an haw hle. El Clasico match pakhat an khelhnaah phei chuan FC Barca fan ten vawk lu in an vawm nghe nghe.
1 Lionel Messi (Barcelona to Paris Saint-Germain)
Lionel Messi hi FC Barcelona-ah chuah football a khel a, hunrei tak hnuah PAris Saint Germain chuan an la lut ta a ni. A chanchin hi chu sawi tam vak lo mai ang, kan hre deuh fur tawh tho a.
Source SK