Football-ah hian jersey number thenkhat chu player tha te chauhin an ha thin, a chhan chu player ropui tak tak ten an lo hak thin tawh avangin. Club thenkhat tan chuan jersey number hi a pawimawh hle, a bik takin Jersey number 11, 7 leh 11 te hi an langsar a, alo ha thin tawh te pawh an che zawk zawk ngai lem lo.
Mahse, jersey number dang erawh a ropui vak lo a niang, a inang tlat put mai, an ropui dan a inang tlang. Fans lamin a hatu an ngaihsan loh vang pawh a ni thei.
Tun tumah hian football history-a jersey number 8 ha tawh zingah player tha zual Ranking top 5 te kan rawn tarlang ve leh dawn a ni.
5 Juninho Pernambucano
Juninho Pernambucano hi Brazilian free kick specialist-ah a tel a ni. Free kick a pet thiam em em a, a career-ah direck free kick hmangin goal 77 lai a khung tling tawh a ni. Amah umpha thei tur chuan player dang hian hun an mamawh rih duh maithei.
Juninho hian jersey number 8 ha in, Olympic Lyon leh Brazilian natinal team tan a khel ve thin a n. French lama hun a hman chhung hian Ligue 1 nomawi erawh a chawi ngei lo.
Lyon lama hun a hman chhung khan match 344 lai maiah inlanin, goal 100 a khung a, assist vawi 72 a nei tling bawk. Vasco da Gama tan goal 18 a khung mai bakah assist vawi 29 a nei tling. A ram Brazil team tan match 40 a khelh atangin goal 6 a khung bawk.
4 Steven Gerrard
Steven Gerrad hi football history-a jersey number 8 ha tawh zingah ropui ber pakhat a ni. Premiere League club Liverpool-ah khan kum 17 teh meuh mai hun a hmang a, rin phakbakin a che tha.
Gerrard hian kum 2005 khan Liverpool chu UEFA Champions League nomawi a chawi pui a, kha tih lai pawh khan player pawimawh tak pakhat a ni. Champions League nomawi an chawi tumah khan AC Milan chuan 3-0 in hma an hruai tawh a, mahse, Liverpool hian rawn nih rual pui lehin, penalty hmangin Liverool an champion ta a ni, hei vang hian vawiin ni thlengin “the miracle of Istanbul’ tih ala ni reng.
Anfield lama hun a hman chhung khan Gerrard hian goal 186 a khung mai bakah assists vawi 143 lai a nei tling. MLS club LA Galaxy lamah insawn ve lehin match 35 a khelh atang goal 5 a khung bakah assist vawi 15 a nei. England national team tan match 114 lai a khel tling a, goals 21 a khung bawk. Steven Gerrard hi football awm chhung chuan legnd tia hriat a ni tawh ang.
3 Frank Lampard
Chelsea legend Frank Lampard hi jersey number 8 ha zinga ropui atang hnawl theih a ni lo. Stamford Bridge lama hun a hman ve thin lai kha chuan a tha hle a, Chelsea tan player pawimawh tak pakhat a ni.
Chelsea tan match 611 lai mai a inlan atangin goal 177 a khung a ni, Tunah hian Lampard hi Chelsea history-ah midfielder atanga Premiere League goal khung hnem ber a ni mek. A career-ah goal 305 a khung a, vawi tamtak trophies a chawi bawk, Champions League, Premiere League, FA Cup, Carling Cup mai bakah trophy dang pawh a chawi nual tawh.
2 Andres Iniesta
Jersey number 8 ha tawh zinga ropui ber pakhat Andres Iniesta hi top 5 atanga active player awm chhun a ni tawh, Camp Nou lama hun a hman lai khan jersey number 8 char char a la ha ni. Andres Iniesta hi khawvel middielder tha ber pakhat anga sawi a ni mek bawk.
1 Lothar Matthaus
Football history-a Jersey number 8 ha tawh zawng zawng zinga ropui ber chu German legend Lothar Matthaus hi a ni a. Europe leh football history hrim hrimah pawh midfielder ropui ber pakhat anga sawi thin a ni.
Football khawvel lama hun a hman chhung khan, FIFA World Cup, European Championship, Champions League leh Bundesliga nomawi te a chawi teuh tawh a, hei mai bakah nomawi dang pawh a chawi nual.
Kum 1990 khan Ballon d’Or award a dawng a, 1991 ah FIFA Player of the Year award a dawng bawk. Bayern Munich, Borussia Monchengladbach, inter Milan leh New York Red Bulss ah te khel kual tawhin goal 201 a khung mai bakah assist vawi 60 lai a nei tling. A ram Germany tan match 150 ah inlan theiin, goal 23 a khung thei bawk.
Source SK