Goalkeepers te hi team venghimtu tlar hnung bera ding a ni. LEague leh international football-ah hian an pawimawh em em a, champions team te hian goalkeeper an nei tha thei hle a, goalkeeper tha an mamawh reng a ni.
A bik takin kum 20 liamta vel atang khan goalkeeper te hi an pawimawh zia a hriat theih a. Team tana an pawimawh zia chu kan hriatthiam vek a rinawm.
Victory Valdes, Manuel Neuer leh Alisson Becker te hi an team in league nomawi leh Europe league nomawi an chawi theihnaa goalkeeper pawimawh tak te anni. Tun tumah hi chuan Football chanchina goalkeeper man to zual top 5 te kan rawn tarlang ve leh dawn a ni.
5 Jasper Cillessen (Valencia/Netherlands) – €32 million
Kum 2019 summer transfer lai khan Valencia chuan FC Barcelona atangin Jasper Cillessen hi an la lut a. Mahse, Netherlands goalkeeper hi all competions-ah games 40 chiah a khel a ni. Season khelh zawh takah khan hliam neuh neuhin a tih buai ve reng avangin duh angin a khel tam theilo a ni.
Mahse, tun hnai lawk khan Valencia history bikah club tana games 50 inlanthei goalkeeper 5 na chiah a ni.
4 Ederson (Manchester City/Brazil) – €40 million
Kum 2017 summer transfer lai khan Manchester City chuan Ederson lak luh nan €40 million lai mai an theh chhuak a ni. Kum 4 a liam meuh chuan goalkeeper tha ber pakhatah inchhuahin, Manchester City tan goalkeeper pawimawh tak a ni.
Kum 27 a upa Ederson hi Pep Guardiola team tana mi pawimawh tak pakhat a ni, City lama kum 4 a hman chhungin League nomawi 3 lai a chawi pui tawh a, Man City tan all competion-ah match 192 a inlan atangin cleansheet vawi 95 lai a nei tling a, Premiere Leageu lama season 4 a hman chhungin season tin vawi 17 save nei ziah ang a ni.
Etihad lama a pan tirh atang phat khan Pep Guardiola first choice goalkeeper ala ni char char a, a che tha thei hle.
Copa America 2021 ah khan Brazil tan match 4 a khel a, Ram tan pawh record a nei tha hle, games 16 a khelh tawh atangin cleansheet vawi 10 lai a nei tling. Mahse, Argentina chakna goal Angel di Maria khung erawh a dang zo ta lo.
3 Gianluigi Buffon (Parma/Italy) – €52.9 million
Gianluigi Buffon hi goalkeeper tha ber pakhat anga sawi thin a ni. A career hman tawh a, club leh ram tan legendary a ni. Buffon hian a career ah cleansheet a neih tam mai bakah nomawi a chawi hnem hle.
Kum 2001 summer transfer lai khan Juventus chuan Parma atangin an history a goalkeeper tha ber atan an la lut a, kha tihlai a aman chu €52.9 million lai a ni, a rei tawh hle.
2006 FIFA World Cup winner hian a career ah clean sheets vawi 400 lai a nei tling tawh a, hei hi club career-a a record a ni, Serie A atangin cleansheet vawi 299 a nei tling. Kum 2019 khan PSG lamah insawn ve lehin, tunah chuan a naupan laia a club Parma lamah a kir leh dawn a ni.
Buffon hian Chiesa pa leh CHiesa a khelh pui hman ve ve a nih hi, a hmasa zawk hi CHiesa pa a nia, a hnuhnung zawk hi Chiesa a ni e.
2 Alisson Becker (Liverpool/Brazil) – €62.5 million
Alisson Becker hi Alisson tia hriat lar a ni zawk, tunlai goalkeeper-ah chuan a tha ber mai awm e. AS Roma goalkeeper hlui hi Liverpool tan a pawimawh rem rem hle. LIverpol lama a luh hnuin, Premiere League nomawi leh UEFA Champions League nomawi a chawi pui tawh.
1 Kepa Arrizabalaga – €80 million
Kum 2018 summer transfer lai khan Chelsea chuan khawvel goalkeeper manto ber ni turin Athletic Bilbao atang Kepa Arrizabalaga hi an la lut a, kha tih laia a man chu €80 million lai a tling.
KHawvel goalkeeper man to ber ni mahse, Chelsea tan duh angin a che tha lo, an chet that loh em avangin Chelsea chuan summer transfer hnuhnung ber khan Mendy an la lut a, Mendy’an a hmun a luah khat hneh hle. Tunah phei chuan CHelsea chhuahsan tur anga sawi a ni mek.
Source SL