A bul atangin Europe hi Football inpui ber ani tawh a. Europe-ah hian league sang ber ber te, club tha te, player tha te an awm kim vek a ni.
Top 6 League-ah hian Premiere League, La Liga, Serie A, Bundesliga, Primeira Liga leh Ligue 1 te hi an lang a, hei maibakah league hrang hrang te inelna sang ber pahnih UEFA Champions League leh UEFA Europe League pawh a awm bawk.
European Football-ah hian Real Madrid, Barcelona, Manchester United, Manchester City, Liverpool, Bayern Munich te hi Top 6 league atang hlawhtling zual pawl tak anni. Top 5 atanga lang lovah chuan PSG leh Ajax hi hlawhtling pawl tak anni ve bawk.
Engpawhnise, tun tumah hian football history-a European Club hlawhtling zual top 5 te kan rawn tarlang ve leh ang.
5 S.L.Benfica (80 trophies)
SL Benfica hi Portugal club zinga hlawhtling ber anni. Tun tumah pawh hlawhtling zual top 5 ah an ang a ni. Kum 1904 khan din tan niin, vawiin ni thenga an trophy dawn tawh zawng zawng chu 80 lai a ting tawh a ni.
40s leh 80s chho vel khan an tha zual a, 90s eh 2000s chho velah erawh FC Porto lam an rawn pawng hle. Premiera Liga lamah club tha ber pawl anni mek.
Benfica’s trophy cabinet houses-ah 2 x UEFA Champions League, 37 x Primeira Liga, 26 x Portuguese Cup, 7 x Portuguese League Cup leh 8 x Portuguese Super Cup te hi a awm a ni. An hlawhtling thawkhat hle.
4 Real Madrid (92 trophies)
Palinaah Real Madrid awmin Europe club zinga hlawhtling ber leh trophy chawi hnem ber 4 na anni. Real Madrid hi khawvel team strong ber leh hlawhtling ber pakhat anga sawi a ni.
UEFA Champions League nomawi vawi 13 lai an chawi tawh a, La Liga trophies 34 an chawi tawh bawk.
Los Blanco’s trophy list — 13 x UEFA Champions League, 34 x La Liga, 19 x Copa del Rey, 4 x FIFA Club World Cup, 11 x Spanish Super Cup, 2 x UEFA Cup, 3 x Intercontinental Cup, 4 x UEFA Supercup, 1 x Copa Eva Duarte leh 1 x Copa de la Liga.
3 Barcelona (95 trophies)
20th Century-ah Real Madrid hi che tha viau mahse, hun liam tawhah FC Barcelona hi trophy chawi thei tak pakhat anni.
Vawi 2 treble thei team hmasa ber an ni kum 2009 leh 2015 khan an treble a ni. Catalan club hian football history-a player tha an tih ang chi hi an lo kawl nual tawh a, Real Madrid ang lo takin Player lak luhna atan sum an hmang ve vak vak lova, an academy player te chhawr theihna tur an zawng reng thin.
2 Celtic (111 trophies)
Celtic hi League te zawkah khel annih angin an hlawhtling ang reng hle. Kum 2012 atanga 2020 thleng khan a zawnin trophy vawi 9 lai an chawi thei a ni.
Celtic hian European Cup (tuna UEFA Champions league ni ta) hi kum 1967 khan alo chawi ve tawh a ni. Kum 1970 pawh khan pahnihna dinhmun an lo hauh ve tawh bawk.
1 Rangers (120 trophies)
European history-ah football club hlawhtling ber anni mek. Rangers hian trophies 120 lai an chawi tawh a ni. Tunah hian manager thar Liverpool legend Steven Gerrard’an a enkawl mek.
A hnuaia kan tarlan te hi an nomawi chawi tawh te a ni e.
Rangers boast — 55 x Scottish Premiership, 33 x Scottish Cup, 27 Scottish League Cup, 1 x Scottish Challenge Cup, 1 x Scottish Fourth League Trophy, 1 x Scottish Third League Trophy, 1 x Scottish Second League Trophy, 1 x European Cup Winners’ Cup.
Source SL