Football History-a Defender Goal Khung Hnem Zual Top 11

Football-ah hian Defender te hi an pawimawh hle a, goal khung lam ai mahin, an lama goal lut tur vengtu pawimawh tak an ni. Defender thenkhatte erawh chu goal khung lamah pawh an duai lo hle a, AF chuan football history-ah goal khung hnem zual top 11 te a tarlang a, kan rawn tarlang ve leh dawn a ni.

TOP 11 HIGHEST SCORING DEFENDERS

Advertisement

11. Sinisa Mihajlovic – Goals 105

Sinisa Mihajlovic

Yugoslavian defender Sinisa Mihajlovic hian a ram tan goals 10 a khung a, Serie A lamah goals 61 lai a khung bawk a ni. Serie A lamah hian Roma, Lazio, Inter leh Sampdoria-ah te a khel kual a ni. Mihajlovic hi dead ball-ah a hlauhawm ang reng hle a, free kicks goal khung hnem ber pawl a ni. Serie A free kick pet goal tam zingah Andrea Pirlo te nen an awm ho a ni.

Advertisement

10. Franz Beckenbauer – Goals 109

Advertisement

West Germany captain hlui Franz Beckenbauer pawh hi defender goal khung thei tak a ni a, kum 19 chhungin defender atangin goals 109 lai mai a khung thei a ni.

Bayern Munich tan a hun tam zawk a hmang a, matchs 439 a khelh atangin goals 64 lai a khung a ni.

9. Roberto Carlos – Goals 113

Advertisement

Goal khung lamah a duailo hle a, football history-ah free kick pet goal tha ber a ni nghe nghe. Attacking full back tha ber a ni bawk. 2000’s chho vela Madrid squad lar em em Galacticos-ah pawh khan a tel a ni. A career-ah goals 113 lai mai a khung tling a, goal a khung tam zawkah hian dead-balls leh set pieces atanga a khung a tam zawk a ni.

8. Paul Breitner- Goals 113

7. Steve Bruce – Goals 113

Steve Bruce hi Manchester United defender hlui leh hunrei tak manager career-a che tha hlei thei lo a ni. A career-a goal a khung tam zawk hi Man United tan a ni a, Gillingham, Norwich, Birmingham leh Sheffield United-ah a career pum chu a hmang zo ve a ni.

1990/91 season chu a chet that ber tum niin Manchester United tan all competions ah goals 19 lai mai a khung a, hetih lai hian Alex Ferguson enkawlna hnuaiah a khel a ni.

6. Sergio Ramos – Goals 115

Sergio Ramos hian game lian an khelhah goal a khung thei ang reng hle. La Liga bikah goals 50 lai a khung tling tawh a, Champions League final-ah te goal a khung a, Atletico Madrid nen derby an khelhah goal a khung tam ang reng hle.

Tun season khelh mekah Ramos hian goals 7 lai a khung tling tawh, Cristiano Ronaldo’an Real Madrid a chhuahsan hnuin Penalty pettu ber a nih vangin goal khung lamah pawh hma a sawn hle.

5. Graham Alexander РGoals 130 

Scottish journeyman right back hi club hrang hrangah a khel kual nasa hle a, Burnley, Scunthorpe, Luton leh Preston North End-ah te pawh a lo khel kual tawh a ni.

A goal khung tam zawk hi Set Piece atanga a khung te an ni, free kicks leh penalties pettu ber atana thlan a ni thin. Goal khung lamah duai lo hle mahse, a ram Scotland tan erawh goal a khung lo a ni.

4. Laurent Blanc – Goals 153

France manager hlui Laurent Blanc hi a tirah chuan attacking midfielder-ah a khel thin a, mahse, a hnuah defence lamah a chhuk leh a ni. Kum 8 chhungin a club khelhnaah goals 80 lai mai a khung hman  ni. Blanc hian france tan goal 16 lai a khung tling a, 1998 World Cup ah khan Golden Goal winner a ni.

3. Fernando Hierro – Goals 163

Fernando Hierro hi a career-ah Spain leh Real Madrid captain a ni ve ve a, Spanish footballer goal khung thei ber pakhat a ni. Real Madrid tana a khelh chhung khan amah thlak theitu an awm lo a, hunrei tak Madrid-ah a awm a ni. Premiere League club Bolton Wanderers tan pawh goal a khung a ni.

2. Daniel Passarella – Goals 175

South America defender tha ber a ni hial maithei a ni. Goal khung lamah a duai lo hle. Daniel Passarella hi kum 1978 leh 1986 a World Cup hnehna an chan tum khan a captain ve ve a, a career-ah goals 175 lai a khung tling a ni.

1.Ronald Koeman – Goals 253

Football history a defender goal khung hnem ber a ni.

Advertisement

Next Post

Andres Iniesta'an Tuna La Liga Midfielders Tha A Tih 5 Hming A Sawi

Fri May 22 , 2020
FC Barcelona legend Andres Iniesta chuan tuna La Liga midfielders atanga tha a tih 5 hming a sawi a, Arsenal […]