Football-ah hian goal khungtu te hi an pawimawh hle rualin chances siamsaktu leh assist tu te pawh hi sawi hmaih chi rual anni lo. Football history-ah hian goal khungtu ropui tak tak an awm nual tawh a, chutiang bawkin assist nei thei tak tak player tha an awm ve bawk.
Assist tu te hi an pawimawh hle a, English Premiere League chuan an pawimawh zia hria in, season khelh zawh rualin award an hlan thin a ni. 2017-18 season atang khan Premiere League Playmaker award an sem tan a, player assist nei tam ber hnenah an hlan thin a ni.
Engpawhnise, tun tumah hian Football history-a assist nei tam zual player 5 te kan rawn tarlang ve leh dawn a ni.
5 Angel Di Maria – 263 assists
Paris Saint-Germain winger Angel Di Maria hi playmaker tha tak pakhat a ni. A khelh tawhna club hrim hrimah assist vawi 10 tal a nei tling ziah. Manchester United lama a khelh lai khan assists vawi 10 a nei tling a ni.
Kum 2014 a Real Madrid Champions League nomawi an chawi tum pawh khan man of the match atan thlan a ni a, 2021 Copa America finala Brazil an hneh tum pawh khan man of the match atan thlan a ni bawk.
Di Maria hian a ram Argentina tan assist vawi 23 lai a nei tling a, Benfica, Real Madrid, Manchester United leh Paris Saint-Germain atangin assist 240 a nei tling bawk. 2015-16 season khan season khatah assist 18 lai neiin, Ligue 1 season khata assist nei tam ber a ni.
4 Cristiano Ronaldo – 272 assists
Cristiano Ronaldo hi football history-ah goal khungtu ropui ber pakhat a nih zia hi thup theih a ni lo. Tun hnai lawk khan a career ah goal 800 a khung tling a, tunah hian goal 802 a khung bawk. Goal khung lamah duai lo viau mahse, tunah hian assist vawi 271 lai a nei tling mek.
Tunah hian Champions League history bikah assist nei hnem ber ala ni mek a, assist vawi 48 lai a nei mek.
Sporting Lisbon, Manhchester United, Real Madrid leh Juventus atangin assist 231 a nei a, A ram portugal tan assist vawi 41 a nei tling bawk.
3 Luis Suarez – 277 assists
FC Barcelona lama hun a hman laiin Luis Suarez hi khawvel striker tha ber pakhatah a inchhuah. Kum 10 liamta chhunga Lionel Messi leh C Ronaldo’an goal khung lamah ro an rel lai pawh khan European Golden Shoe a dawng ve thei tlat a ni. Kum 2014 khan Liverpool tan a dawng a, kum 2016 ah FC Barcelona tan a dawng bawk.
Goal khung lamah duailo viau mahse, assist lamah pawh a che tha hle. FC Barcelona-ah kum 6 chhung teh meuh mai hun a hmang a, tunah hian Atletico Madrid lamah khel tawhin assist siam theihna chance ala nei nual rih.
Club levelah assist 240 neiin, a ram Uruguay national team tan assist vawi 37 a nei tling bawk.
2 Thomas Muller – 280 assists
Thomas Muller hi playmaker tha tak pakhat a ni a, attack lamah a puih nasat viau rualin defence lam pawh a puih nasa. 2019-20 leh 2020-21 season a Bundesliga assist a neih zawng zawng belh khawm hi 42 lai a tling.
Bayern Munich u19 leh ram tan telin goal 305 lai a khung tling tawh a, assist 280 a nei tling bawk.
1 Lionel Messi – 357 assists
Ballon d’Or vawi 7 lai dawng tawhtu Lionel Messi hi footballer goal khung thei tak a nih rualin playmaker tha tak a ni bawk.
Club levelah assist 306 neiin a ram Argentina tan assist 51 lai a nei tling a ni.
Source SK