Football Centre Back inkawp fuh Top 5 (2022)

Football-ah hian centre back te hi an pawimawhna a sang hle. Centre defender te hi inkawp fuh te a ngai ve hle a, pakhat ringawt che tha viau mahse, pakhat zawk a chet that vak loh chuan goal chhuah a awlsam em em a ni.

Tun tumah hian Football centre back inkawp fuh zual top 5 te kan rawn tarlang ve leh dawn a ni.

5 Virgil van Dijk and Joel Matip (Liverpool)

Liverpool v Chelsea - Premier League

2020-21 season-ah khan Liverpool hi an vanduai hle, Premiere League champion leh thei tura rinkai ber ni mahse, an first choice centre-back pathum te khan hliam an nei vek a, hunrei tak an chawlh phah a ni. Hemi avang ringawt pawh khan Jurgen Klopp’an a tuar hle a nih kha.

Season hmasa lamah Virgil van Dijk leh Joel Matip’an hliam nei mahse, an rawn kir leh hnu hian title race-ah an la awm pha a ni.

Summer transfer hnuhnung ber khan Liverpool chuan an squad-ah Ibrahima Konate an lak luh belh a, Klopp hian centre back thlan tur a ngah hle. Mahse, Van Dijk partner tur atan Matip hi a thlang tam zawk mah a, a thlang fuh hle.

Tun season khelh mekah hian Liverpool in Premiere League-ah clean sheet vawi 11 annei tling a, heng zinga pariat te hi Matip leh Van Dijk te start laia anneihi te a ni.

4 Antonio Rudiger and Thiago Silva (Chelsea)

Aston Villa v Chelsea - Premier League

Kum 2021 January thla khan Thomas Tuchel chuan Frank Lampard thlakin Chelsea a enkawl tan a, Tuchel’an Chelsea a enkawl hnu hian Chelsea defence lam an nghet hle. Thiago Silva kianga khel tur atan Antonio Rudiger a nei a, an inkawp fuh ang reng hle. Chelsea in 2020-21 UEFA Champions league nomawi an chawi tum pawh khan an pawimawh vet vet hle.

Chelsea defence lama Rudiger chet dan chu kan hre vek awm e, a tha tak zet. Chutiang bawkin kum 37 a upa Thiago Silva pawh a kum upa tawh mahse, a cool tha hle. Chelsea in a experience neih te an chhawr tangkai hle a ni.

3 David Alaba and Eder Militao (Real Madrid)

Eder Miliao and David Alaba of Real Madrid

Real Madrid in transfer window ah Sergio Ramos leh Raphael Varane te a rualin an chan nghal a. Mi tamtakin Real Madrid chu an chhiat phah viau an ring mai thei. Mahse, Sergio Ramos leh Raphael Varane hian hliam anneih vangin 2020-21 season khan Real tan an khel tam lo hle a, Eder Militao chu a khel tam zawk.

Militao hi Real Madrid lamah a rawn che tha chho hle a, Los Blancos in summer transfer hnuhnung ber khan David Alaba chu free transfer in an la lut a, Brazilian international nen inkawpin an inkawp fuh ang reng hle.

Alaba leh Militao hi an that dan pawh an inang a, goal an veng hneh hle.

2 Marquinhos – Presnel Kimpembe (Paris Saint-Germain)

RB Leipzig v Paris Saint-Germain: Group H - UEFA Champions League

2021 Summer transfer lai khan Sergio Ramos chuan Paris Saint-Germain a zawm a, Ramos an lak luh tak avang khan Presnel Kimpembe chu starting lineup-ah a tel tam vak rin a ni lo. Mahse, Kimpembe hi a che tha hle a, starting line up a luahlum hle, tunah phei chuan PSG player pawimawh tak pakhat a ni mek.

Chutiang bawkin Marquinhos pawh hi tunlai football a centre backs fing tak pakhat a ni. PSG captain hi midfielder ang pawhin a khel thei a mahse, centre back lamah khel tam zawkin an inkawp fuh hle.

Defence lamah an tha viau a, hetihlai hian Passing lamah pawh an duai lo hle. Kimpembe hian tun season ligue 1 bikah passes complete hi 95.6% vel a nei tling a, match 17 ah a inlan tawh a ni. Marquinhos pawhin pass completion rate 93.3% a nei ve bawk.

1 Ruben Dias – Aymeric Laporte (Manchester City)

Liverpool v Manchester City - Premier League

Summer transfer hnuhnung berah khan Aymeric Laporte hian Manchester City a chhuahsan teuh hle. 2020-21 season ah khan Laporte hian conronvirus te kaiin, hliam neuh neuhin a ti buai ve reng a ni.

Ruben Dias ve thung hi chu 2021 summer transfer laia an lak luh a ni a, Laporte kawppui tur atana an lak luh a ni. Mahse, Pep Guardiola khan John Stones a hmang rim zawk a, tun season-ah erawh Laporte nen an inkawp fuh hle a ni.

Dias leh Laporte hi Europe centre back inkawp fuh ber anni mek a. Ball kang leh ball hniamah pawh an tha dun hle.

Tunah hian Manchester City in Premiere League table-ah pakhatna dinhmun an hauh mek a, match 23 an khelh tawh atang goal 14 chiah an la chhuah rih a ni.

Source SK

Related Posts

error: Content is protected !!