Foden an a khelhpui tawh a tha a tih ber De Bruyne

Manchester City forward Phil Foden chuan a footballer ngaihsan chu club legend David Silva anih thu leh a khelhpui tawha tha a tih ber erawh Kevin De Bruyne anih thu a sawi.

English international hian a idol David Silva a fak hle. Ni e, tun hnaia Manchester City hlawhtlinna ah David Silva kha player pawimawh ber te zinga mi a ni chiang a ni. Tin, player tha tak tak Aguero, Silva, Yaya Toure, Kompany leh midangte khelhpui tawh mahse De Bruyne chu a khelhpui tawha tha ber ah Foden an a ngai.

FourFourTwo in an kawmna ah ‘Tunge i khelhpui tawha tha ber?’ tia an zawhna Foden chuan chhangin,”Zawhna chhan harsa tak a ni. Ka naupan deuh lai chuan David Silva hi ka duh em em thin a, tunah erawh training-na ah nitin mai in Kevin De Bruyne ka hmu a, a thil tih te hi a ropui hle. Player tha bik a ni a, ka khelhpui tawh ah chuan a la tha ber awm mang e” a ti.

Foden chuan a footballer ngaihsan David Silva chungchang sawi leh in,” Ka naupan tet atang tawh in he club hi ka hmangaih a, City scout te pawh in min enthla fo tih ka hria. David Silva inkhel hi ka en duh hle thin a, ka naupan tet ata tawh a ka idol a ni” a ti.

Kum 22 a upa Foden hian tun season kal mekah City tan game 8 a inlan tawh a, goal 2 leh assist vawi 2 a nei tawh. Tin, City tan inelna hrang hrang ah a vaiin game 177 a inlan tawh a, goal 47 leh assist vawi 35 a nei tawh bawk.

Related Posts

error: Content is protected !!