Argentina star Angel Di Maria chuan 2021 Copa America final-a Brazil an hneh hnuah a teammate Lionel Messi-a thu sawi a sawi chhuak.
Rio de Janeiro-ah khan Angel Di Maria hi hero a ni, Final game half time-ah khan goal khat a khung, kha a goal khat khung kha hnehna chan nan a tawk hle, 1993 hnuah Argentina chuan a vawikhatna atan Copa America nomawi an chawi theih phah.
Di Maria leh Leo Messi hian an ram Argentina chu final an luh pui zing tawh hle, mahse, lungngaihna bakin tawp an khar ngailo, tah chuan 2014 FIFA World Cup, Brazil-a neih pawh kha a tel.
Tunah chuan Copa America nomawi an chawi thei ta a, Paris Saint-Germain star, final a Man of the Match ni bawk Angel Di Maria chuan inkhelh zawh khan a teammate Lionel Messi’an lawmthu a hrilh thu a sawi a, match khelhah a pawimawh hle niin a sawi.
“Theihnghilh chi a ni tawh lovang,” tiin game khelh zawh khan Di Maria chuan a sawi. “Messi chuan ka chungah a lawm thu a sawi a, keipawhin lawmthu ka hrilh ve bawk.”
“Copa final kha atana final hnuhnung ber a nih thu min hrilh, hei hi final kan khelh leh na a ni”
“Ka fanu ka lawmpui hle a, ka nupui, ka nu leh pa, min tantu zawng zawng, helai hmuna lo kal te zawng zawng pawh ka lawmpui tak zet.”
“World Cup pawh a thleng hnai leh tawh a, hei hi hmasawnna lian tak pakhat a ni” tiin Di Maria chuan a sawi bawk.
Source SL