Manchester United forward Cristiano Ronaldo’an FIFA 22 rating a hmuh zat chu pho chhuah a ni a. Portuguese superstar hian overall-ah 91 rating a hmu dawn a ni.
Mitamtak chuan FIFA edition hmasa zawka a rating hmuh zat kha a hmuh leh an ring a, mahse, tun tumah erawh tlemin a tla hniam deuh a ni. A hmasaah khan Balon d’Or vawi 5 dawngtu C Ronaldo hian 92 rating a hmu.
Cristiano Ronaldo hi FIFA 22 rating hmu sang zingah pathumna dinhmun hauhtu a ni
FIFA 22-ah hian Cristiano Ronaldo aiin Lionel Messi leh Robert Lewandowski’an rating an hmu tha zawk a, tun summer transfer-a Paris Saint-Germain zawmtu Lionel Messi hian overall-ah 93 rating hmuin, FIFA 22 a hmu sang ber a ni.
Pahnihnaah Bayern Munich striker Robert Lewandowski awmin, 92 rating hmu ve in, Ronaldo leh Messi karah a awm. Robert Lewandowski hian FIFA 21 aiin hma a sawn hret, FIFA 21 ah khan 91 rating a hmu a ni.
FIFA 22-ah hian player thenkhat dang te pawh an rating puanzar a ni a, Jan Oblak chu goalkeeper zinga rating hmusang ber niin, Cristiano Ronaldo rating hmuh ang 91 hi a hmu ve a ni. Kylian Mbappe pawh hian C Ronaldo rating hmuh ang zat tho a hmu ve bawk.
Manchester City star Kevin De Bruyne leh Paris Saint-Germain star Neymar te pawhin 91 an hmu a, FIFA 22 rating hmu sang zual top 10 zingah Paris Saint-Germain player pathum lai an lang pha a ni.
Top 22
Chelsea player atangin N’Golo Kante chuan rating a hmu sang ber a, 90 rating a hmu. Chutiang bawkin Harry Kane, Manuel Neuer leh Marc Andre ter Stegen te pawhin 90 tho an hmu ve bawk.
FIFA 22 hi official takin October ni 1 ah tlangzarh a ni ang.
Top 22
Source SK