Memphis Depay hi FC Barcelona lama a luh tirh kha chuan a che tha viau, mahse, a hma angin a che tha hlei thei tawh lo. Summer transfer hnuhnung berah khan free agent in Barcelona hi a zawm a ni.
A rawn luh tirh kha chuan Barcelona tan a che tha em em a, game tin maiah goal a khung. Mahse, a rei tulh tulh a a chhe tulh tulh mai, Bayern Munich star hlui leh TV Pundits ni bawk Sandro Wagner chuan a sawisel.
Bayern Munich leh Barcelona te khelhah khan Memphis chuan Barcelona a chhan thei lova, goal hmaah a che chhe hle. Bayern Munich striker hlui Sandro Wagner chuan Depay chu a ral tial tial niin a sawi.
“Bayern Munich lakah khan Memephis hian duels win 27% chiah a nei thei. Tunah hian Field chhunga a awm lai aiin Instagram lamah a chak (strong) zawk” tiin Sandro Wagner chuan DANZ a hrilh.
Depay chuan amah leh amah a infuih a, tun season khelh mekah hian club chu a theih ang tawka puih a tum thu Instagram lamah a sawi.
“Goal khung turin ka inring, goal khung turin keimah leh keimah hi ka inbeisei sang hle. Goal tam zawk khung ka mamawh a, hei hi team mamawh tak a ni.” tiin Memphis Depay chuan a sawi.
Source SL