Manchester United star hlui pakhat chuan, Man Utd star Bruno Fernandes chian penalty pettu a nihna chu Cristiano Ronaldo hnenah a hlan dawn niin a sawi.
Kan hriat angin Cristiano Ronaldo hi kum 2003 leh 2009 inkar season 6 chhung teh meuh mai Old Trafford-ah hun alo hmang ve tawh a, tun summer transfer deadline day ah khan United chuan an la lut fel a ni.
Kum 2 liamta chhung khan Bruno Fernandes hi Man Utd thiampuipa ah inchhuahin, Paul Pogba hnen atang penalty pettu nihna a lak sak a, Pogba hi penalty lamah record a nei tha vak lo niin a lang.
Mahse, Red Devils defender hlui Rio Ferdinand chuan Fernandes hian a rampuipa hnenah penalty pettu nihna a pe dawn niin a sawi a, Portugal, Juventus, Real Madrid leh United tan kum tamtak chhung chu penalty pettu ber atan an lo hmang tawh thin a ni.
“Bruno Fernandes hian C Ronaldo chu penalty a pettir ka ring a, mahse, free-kick leh corners erawh a pet ang,” tiin Rio Ferdinand chuan FIVE Youtube channel a hrilh.
“Box bul vela free kicks hrim hrim chu Fernandes’an a pet ang, A record neihte avang hian a pet ngei ngei a ngai.”
“C Ronaldo hian penalty a pet dawn chiang, 100 % in ka chiang. Penalty pettu atana C Ronaldo thlan chu an pawmpui vek ang. Mahse, box bul vela free kick erawh Bruno hian a pet ngei ang.” tiin a sawi bawk.
Source SL