Lawrkhawm Huapzau Celebrity

Femina Miss India Mizoram 2020 Lalmuansangi

Femina Miss India Mizoram 2020 Lalmuansangi

Femina Miss India 2020 thlannaah Mizoram aṭangin Miss Mizoram 2020 2nd Runner Up, Champhai District Miss Lalmuansangi chu a tel dawn.

Lalmuansangi hi kum 25 mi niin Champhai Zotlanga cheng a ni a, Ft. 5’6.5″ a sang niin MA English a zo tawh a, MZU-ah B.Ed a zir leh mek. Kumina Miss Mizoram thlanna neihah khan Champhai aiawhin a tel a, final round thlengin a che ṭha hle a, 2nd Runner Up hial a ni thei.

India rama beauty pageant modeling competition lian ber Femina Miss India-a tel tur hian November 2 thleng registration a tih theih a, tunah hian Lalmuansangi pawh hian audition a la nei chauh a ni a, contest pangngai ṭan hun tur hriat a la ni lo.

Miss Mizoram Zirsangpuii leh 1st Runner up Baby-te ngatinge an tel loh tih zawhna kan lo nei a ni mai thei, hemi chungchanga Vanglaini zawhna hi chhangin Lalmuansangi chuan, “Miss Mizoram Sangpuii leh 1st runner up Baby-te pawhin tel an duh lutuk a, mahse chhan hrang hrang vangin an tel thei dawn lo hlauh mai a. Kei pawhin ka zirlai a tih sukuk ka hlauh avangin a tirah tak chuan tel pawh ka rilruk lem loa, amaherawhchu, Mizoram kan ‘nil’ mai a hlauhawm em avang­in ka in-register ve ta a ni,” tiin Miss Mizoram Organiser lam phei chuan tupawh tel se an duh thu a sawi.

Lalmuansangi chuan huphurh­awm a tih rualin a phurawm tawh hle tih a sawi a, Mizoram hminga chhuak tur a nih avangin Zoram mipuite pawhin kan thlawp ṭhat hle a ngai dawn a ni.

“Tel tum chawp ka nih avang leh ka zirlai nen ka kawp dawn avangin duh anga hun inpek chu a harsa ve deuh a. Mahse, Pathian leh min puih inhuam tak takte zarah ṭha takin ka inbuatsaih chho zel thei a ka lawm khawp mai. Mipui duhthusam leh tel tura an beisei ber ka ni lo pawh ani thei e, amaherawh chu theihtawp chhuaha min ṭawiawm tur leh min ṭawngṭaipui turin mi zawng zawng ka ngen a che u” –  Miss India Mizoram Lalmuansangi.

PICTURE EXCLUSIVE

Source Vanglaini

Please follow and like us: