Fellaini’an Man Utd lama hun a hman lai khan, thil pakhat vang chauhva pawi a tih a sawi

Manchester United star Marouane Fellaini chuan Old Trafford lama hun a hman laia Premiere League trophy a chawi hman ta lo kha pawi a tih thu a sawi.

Kum 2013 summer transfer deadline day khan Belgian midfielder Felaini hian Old Trafford a zawm a. Kha tih lai khan Everton lama a coach hlui David Moyes nen an intawng leh a ni. Fellaini hi Old Trafford lamah khan che tha viau tura ngaih a nih laiin, beisei a phak lova, Premiere League season-a player lak luh zingah chhe ber pakhat a ni.

Old Trafford lamah khan bul tan tha vak lo mahse, Fellaini hi Manchester United lama hun a hman chhung khan a hlawhtling thawkhat viau mai. Old Trafford lamah kum 5 leh a chanve hun a hman chhung khan Manchester United chu trophies pali lai a chawi pui hman.

Everton player hui Fellaini hi Shandong Luneng Taishan tan a khel mek a, United lama hun a hmanna te thlir let ve in, pawi tih deuh mai pakhat a nei niin a sawi.

“Ka pawi tih em em mai awmchhun chu Premiere League nomawi kan chawi lo kha a ni. Mourinho enkawlna hnuaiah Pahnihna dinhmun chiah kan hauh thei a, a zahthlak hle.” tiin Fellaini chuan So Foot a hrilh.

“Manchester United lamah kum 5 chhung teh meuh mai khel ta la, Premiere League nomawi pakhat tal chawi i inbeisei ngei ang. Cup leh Europa League nomawi ka chawi a, mahse, Premiere League nen chuan an inang lo. Premiere League chu dream mai a ni. Club in sang taka awm an duh chuan, an insiam that deuh chu a ngai a ni.” tiin a sawi bawk.

Fellaini hi Old Trafford lamah khan kum 2013 atanga 2019 thleng hun a hmang a, hemi chhung hian match 177 inlanin goal 22 a khung mai bakah assist vawi 12 a nei tling ve a ni.

Source SK

Related Posts

error: Content is protected !!