FC Barcelona star Sergio Busquets chuan summer transfer lo awm turah Premiere League club lian Manchester City zawm a rilruk/tum niin report in a tarlang. Manchester City boss Pep Guardiola pawhin Barcelona midfielder hi Etihad Stadium lama awm turin a duh a rinawm.
El Nacional in a tarlan dan chuan Manchester City lam hian an midfielder chhuanvawr Fernandinho chu summer transfer lo awm turah khian chhuahtir an tum dawn niin an tarlang a. Brazilian in contract a neih hi tun season khelh zawh rual hian a zo ve dawn a ni, Manchester City lamin contract thar an la offer rih lo.
Manchester City hian kum 36 a upa Fernandinho thlaktu tur an zawn nghal a ngai dawn a, Spain defensive midfielder Rodri cover tur leh elpui an zawn hmuh ngei a ngai dawn. Sergio Busquets chu amah thlak theitu tur atan lak luh theih an inring.
Sergio Busquets hi Barcelona youth team atanga rawn chawr chhuak a ni a, youth team lamah pawh a tha viau mai. 2008-09 season khan FC Barcelona tan a game hmasa ber a khel a, kha tih lai khan FC Barcelona chu Pep Guardiola enkawlna hnuaia awm a ni. Football history-ah Busquets hi defensive midfielder tha ber pakhat a ni a, Camp Nou lamah pawh legend a ni der tawh.
Busquets hian Barcelona chu La Liga nomawi 8, Copa del Rey 7 leh Champions League nomawi 3 a chawi pui tawh a ni. All competion-ah FC Barcelona tan match 650 inlan tawhin goal 16 a khung mek.
Spanish national team tan pawh match 133 lai mai a inlan tawh a, UEFA Nations League player of the tournament atan te pawh an lo thlang tawh.
Pep Guardiola leh Sergio Busquets Barcelona lama hun an hman dun chhung khan La Liga nomawi 3, Copa del Reys 2 leh Champions League nomawi 3 an chawi pui a ni. Kum 2008 atanga 2012 thleng khan Camp Nou lamah an awm dun.
Source SK