Argentina icon Lionel Messi hi Footbal history-ah player ropui ber a nih thu mi tamtakin an sawi a, Messi hian professional trophy leh mimal chawimawina pawh a dawng tam tawh hle, football bikah mimal chawimawina sang ber nia an sawi thin Ballon d’Or pawh vawi 6 lai a dawng tawh a nih kha.
Kan hriat angin FC Barcelona chuan kum 34 a upa Lionel Messi chu an club atang a chhuak dawn niin an puang a, hei hian mi tamtak a barakhaih hle. Club a chhuahsan chhan nia an sawi chu Catalan club lian hian sum lamah harsatna an tawh avangin contract thar an pe thei lo niin an sawi.
Lionel Messi’an FC Barcelona a chhuahsan tak tak chuan Camp Nou-ah hian thil tamtak a hnutchhiah dawn a, tun tumah hian FC Barcelona lama record a neih langsar zual 10 te kan rawn tarlang ve leh dawn a ni, heng a record neih te hi khum leh thei awm tak ang maw?
👕 778 games
— 433 (@433) August 5, 2021
⚽️ 672 goals
🎯 305 assists
🏆 35 trophies
Farewell, Leo Messi. pic.twitter.com/oNHJzaGjpR
FC Barcelona lamah Lionel Messi record neih 10 te
1 FC Barcelona tana goal khung tam ber record
Lionel Messi hian FC Barcelona tan goal 672 lai mai a khung a, FC Barcelona history-ah club tana goal khung hnem ber ani mek.
2 Club tana inlan tam ber
FC Barcelona tan match 778 lai maiah a inlan tawh a, club tana inlan hnem ber a ni mek, pahnihna hauhtu Xavi Hernandez ai match 11 in a inlan tam zawk rih.
3 Club pakhat tana goal khung hnem ber
Lionel Messi hian a hun zawng zawng FC Barcelona tan ala hmang a, hemi chhung hian all competion-ah goal 672 lai a khung a ni, club pakhat tana goal khung hnem ber ani mek.
4 Season khat inelna hrang hranga goal khung hnem ber
Lionel Messi hian 2011/12 season khan in elna hrang hrangah goal 73 lai mai a khung a, FC Barcelona history bikah season khata goal khung hnem ber a ni.
5 El Clasico-a goal khung hnem ber
Lionel Messi hian an elpui Real Madrid lakah goal 26 lai a khung a, El Clasico history-a goal khung hnem ber ani mek.
6 Hat tricks siam tam ber
Leo Messi hian FC Barcelona tan hat trick vawi 48 lai mai a siam tawh a, hat tricks siam tam ber ala ni mek.
7 Calendar Year-a goa khung hnem ber
Kum 2012 khan Lionel Messi chuan goal 91 lai a khung a, hei hi club record chauh ni ovain, Guiness World Record-ah a lang hial.
8 Free kick atanga goal khung hnem ber
Kum 34 a upa Lione Messi hian FC Barcelona tan free kick hmangin goal 50 lai a khung thei a, a aia khung tam an la awm bik lo.
9 Season khata Home Goal khung hnem ber
2011/12 season khan Messi chuan Camp Nou-ah inelna hrang hrang atang goal 46 lai mai a khung a, hei hi season khata home goal khung hnem ber a ni.
10 Joan Gamer Trophy a goal khung hnem ber
Messi hian Joan Gamper Trophy-ah goal 9 a khung a, khung hnem ber ala ni mek.
Source 90 Min