Premiere League season thar pawh kan hnaih leh tawh hle mai, Fantasy Premiere League lama tuimi te tan chuan team rem dik kha a pawimawh leh dawn hle.
A hma tlar 3 thlan kha a harsa thei riau a, tun tumah hian thlan tur forward tha 10 te kan rawn tarlang ve leh dawn a ni. Mahse, tunah hian transfer window a la inhawn rih avangin, kan rawn tarlan te hi chhuak thut thei dinhmunah an la ding mek.
Fantasy Premier League 2021/22 season atana thlan tur Forward tha 10 te
10. Pierre-Emerick Aubameyang | Arsenal | £10m
Season khelh zawh takah khan Arsenal star Aubameyang hi duh angin a che tha lo hle. Mahse, FPL stats lamah chuan a tha ang reng hle. Gabon INternational hian season khelh zawh takah khan goal 10 a khung a, assist vawi 3 a nei tling, total point hi 131 lai a ni.
9. Timo Werner | Chelsea | £9m
Chelsea lamah seasson khat chauh hmang mahse, Stamford Bridge atang chhuak tur anga sawi mek a ni. 2020-21 season-ah khan Premiere Leageu season hmasa ber a khel a, goal 18 lai maiah a inhnamhnawih a ni. Mahse, goal 6 chiah a khung a, CHelsea hian an chhuahtir phal dawn nge dawn lo ala chiang rih lo.
8. Gabriel Jesus | Man City | £8.5m
Man City striker Sergio Aguero’an FC Barcelona a pan hnuah, Gabriel Jesus hian City tan hming chher theihna huntha a nei. Season khelh zawh takah khan goal 14 lai a khung a, Premiere Leageu season thar tan tirh atanga a chet that nghal chuan regular taka a khelh theih a rinawm.
7. Jamie Vardy | Leicester City | £10.5m
Jamie Vardy hi Fantasy Premiere League a player man to ber pahnihna a ni. Season khelh zawh takah khan points 178 lai a hlawh chhuak. Leicester City tan goals 15 a khung mai bakah assist vawi 14 a nei tling. Premiere League season 7 liam ta chhung khan points 120 aia tlem a hlawh chhuak ngai lo. Tha ve pangai tak chu a ni.
6. Harry Kane | Tottenham | £12.5m
Rinhlel rual lovin Harry Kane hi tunlai football khawvela strikers tha ber pakhat a ni. Tottenham atanga chhuak tur angin sawi a awm mek. Khawihmunah pawh kal se, FPL XI ah chuan a la tel theih tho a rinawm.
Season khelh zawh takah khan League goal 37 lai maiah a inhnamhnawih. GOal 23 a khung mai bakah assist vawi 14 lai a nei tling. FPL a point score tam ber pakhat a ni, point 242 lai a score thei.
5. Teemu Pukki | Norwich City | £6m
Kan hriat angin Norwich chu Premiere League lamah an rawn kir leh a. Premiere League an tel hnuhnung berah khan Pukki hian points 139 lai a score.
4. Chris Wood | Burnley | £7m
Bunrley star Wood hian Premiere League ah goal 11.5 a inhnamhnawih reng ang a ni.
New Zealand tan Olympics Games khel tur zingah a tel, Premiere Leageu lamah points 130 lai a score.
3. Ollie Watkins | Aston Villa | £7.5m
Ani pawh hi goal khung leh assist lama duai lo tak pakhat a ni. A man a tlawmin a che tha thei hle.
2. Patrick Bamford | Leeds United | £8m
Season khelh zawh tak khan Bamford tan chuan season tha ber pakhat a ni, Premiere Leageu bikah goals 17 a khung mai bakah assist vawi 11 lai a nei tling. FPL ah points 200 lai a score thei a ni. Season tharah pawh a chet that chhunzawm zel a rinawm.
1. Dominic Calvert-Lewin | Everton | £8m
Calvert Lewin hi Carlo Ancelotti hnuaia che tha tak pakhat a ni. Premiere Leageu goal 16 a khung mai bakah assist vawi 6 a nei tling. Season tharah pawh hian a bon leh viau maithei.
Source 90 min