Fabrizio Romano an Man Utd a Ronaldo hma hun tur a sawi

Italian journalist rintlak Fabrizio Romano chuan Manchester United in an forward Cristiano Ronaldo chu hralh an tum loh thu sawi mahse thil danglam erawh a thlen thei thu a sawi.

Ballon d’Or chawimawina vawi nga dawng tu hian nikum khan Juventus atangin Old Trafford ah a kir a, Red Devils in Portuguese international kum 37 a upa manah £13 million an inseng. Ronaldo mai bakah player dang tha tak tak te’n Man Utd an zawm avangin mi tam tak chuan Premier League nomawi chawi thei tur tu zinga mi ni ah an ngai.

Ronaldo hian season hmasa khan inlena hrang hrang ah a team tan match 38 inlan in goal 24 khung mahse nomawi chawi erawh an nei lo. Season hmang tha lem lo tak Man Utd in league table ah parukna dinhmun hauh in kumthar ah Europa League an khel ang.

Manchester United in manager thar Erik Ten Hag an lakluh hnuin Ajax boss hlui hian Old Trafford ah squad thawmthat hna nasa taka thawh tum mahse tun thleng in player lakluh erawh a la nei lo. Transfer bazar a club hotute che muang lutuk in Ronaldo a tibeidawng niin Republicworld in a tarlang.

Journalist Fabrizio Romano chuan Man Utd a Ronaldo hma hun tur sawiin ,”Transfer bazar inhawn chhung a la rei dawn a, thil a inthlak danglam thei mahse tunah rih chuan Man Utd leh manager Ten Hag an Ronaldo hralh tumna an nei lova, transfer chungchangah engmah inbiakna club dang nen an neilo, an hnena a la cham zel an ring” a ti.

Ronaldo hian Man Utd ah kum 1 contract a la nei a, a football zinkawng a hun tawp lam a hmang tawh bawk nen Champions League khel tur club a zawm duh mai ang em tih chu zawhna awm a ni.

Related Posts

error: Content is protected !!