Everton in Chelsea midfielder duh mahse, Thomas Tuchel’an la awm tir rih a duh

Everton chuan Chelsea Midfielder Ruben Loftus-Cheek chu an duh a, mahse, Chelsea boss Thomas Tuchel erawhin Stamford Bridge lamah la awm tir rih a duh thung.

Kum 25 a upa English midfielder Ruben Loftus Cheek hian tun season khelh mekah Chelsea tan match 20 a inlan tawh, assist vawi 3 neiin, vawi 2 chu October thla-a a neih a ni.

Juventus lam pawhin Blues academy graduate Loftus Cheek hi Arthur thlaktu tur atan loan-a lak luh an duh a, mahse, an inrem thei lo niin an sawi.

Hetihlai hian Premiere League club Everton pawhin player hliam Abdoulaye Doucoure leh Fabian Delph te anneih avangin Loftus Cheek hi lak luh an duh ve bawk.

Tun thla tir khan Thomas Tuchel hnenah Ruben Loftus hmalam hun zawh a ni a, ani chuan, “Loan a Loftus Cheek chhuahtir chungchang kan sawi lo hrim hrim.” tiin a sawi.

“Ruben chungchang kan sawi a ni emaw, ka mimal ngaihdanah chuan Ruben hian Game tamtak khelh tur a nei a, hetah hian beih tur tamtak ala nei a ni.”

“Mahse, engpawh mai hi thleng thei vek a ni a, thil puan chhuah tur a awm a nih chuan, kan lo puang chhuak mai ang.” tiin a sawi bawk.

Ruben Loftus Cheek hian kum 2014 khan Chelsea tan a game hmasa ber a khel a, vawiin ni thlengin match 102 ah inlan tawhin goals 12 a khung mek a ni.

Chelsea lama hun a hman chhung hian vawi 2 lai mai loan in a chhuak a ni.

Source AF

Related Posts

error: Content is protected !!