Manchester United defender hlui Johny Evans chuan Old Trafford ah hun reilote chhung daih tur (short term contract) a ziak a, naktuk pre season friendly a Lyon hmachhawn tur Man Utd squad a telh ve a ni nghe nghe.
Kum 35 a upa hian season hmasa zawh rual khan free agent in Leicester City a chhuahsan a, kuminah club thar zawng mêk in a duh ang a la hmu zân lo deuh a ni mahna, a fitness vawngnung turin a club hlui Man Utd team ruala traning ve a dil.
Man Utd hotute pawhin an player hlui hi team ruala training ve an lo phalsak mai a, trainingna-a a chet danin Ten Hag leh a coaching staff te mit a titlung deuh niin a lang a, manager leh a assistant te dilna ang in Evans hi Man Utd chuan short term contract an ziahpui.
Naktuk tlailamah Edinburgh a Man Utd leh Lyon te’n pre season friendly match an khelh hunah Evans hi a inlan ngei a rinawm a, a chet that viau phei chuan contract rei zawk an pe mahna.
Lyon an hmachhawn zawh hian team player dangte chuan New York lam an pan dawn a, Johny Evans erawhin San Diego ah academy team training a zawm ang.
Harry Maguire hma hun chiang lo ruai karah Man Utd chuan Johny Evans chu hun reilote chhung atan an lalut a, a chet that viau phei chuan contract puitling an pe duh hial maithei asin. Tin, Maguire an club dang a zawm chuan Red Devils hian an defender hlui tawnhriat ngah tawh tak Evans hi lâkkir leh an duh mahna.
