Europe lama khel U21 atanga Player tha zual Top 15

Kan hriat angin tun season khel mek chu a zo tep tawh a, tun tumah hian footballer kum 21 emaw a aia naupang, Europe-a khel player tha zual top 15 te kan rawn tarlang ve leh dawn a ni.

ESPN chuan tun hnai lawk khan Europe top five leagues atangin kum 21 hnuai lam player che tha zual a thlang a, heng player te atang hian Cristiano Ronaldo leh Lionel Messi anga hlawhtling an awm ang ngem tih chu khawvel in a thlir mek.

Top 15 ah hian Europe top five league Premiere League, La Liga, Serie A, Ligue 1 leh Bundesliga atanga kum 21 hnuailam footballer che tha zual te an thlang a, top 15 ah hian Florian Wirtz pawh a tel, ani hi tunlai rawlthar player zinga thawm nei lian ve tak a ni. Kum 18 chauhva upa ni rih mahse, a duailo hle. German international niin, Bayer Leverkusen product hnuhnung ber a ni mek. Hliam a neih avangin tun season chhung zawng chawlh a lak phah ta a ni.

Arsenal rawlthar Bukayo Saka pawh hi top 15 ah a lang, ani hian Arsenal chu Season thar UEFA Champions League a khelh pui thei maithei.

English rawlthar hian tun season khelh mek Premiere League ah Arsenal tan goal 17 lai maiah a inhnamhnawih tawh a, Goal 11 a khung mai bakah assisst vawi 6 a nei a, Premiere League history bikah U21 atang (second most productive) pahnihna dinhmun a hauh mek a ni. Dele Alli kha U21 age a a awm lai 2016/17 EPL season-ah khan goal 21 lai maiah alo inhnamhnawih ve bawk.

Vinicius  Junior pawh hi player tha tak a ni a, Europe Top FIve League atanga U21 bikah goal-a inhnamhnawih tam ber dawttu a ni mek. Tun season khelh mekah hian goal 26 lai maiah a inhnamhnawih a ni.

Erling Haaland hi tun season U21 che tha ber a ni mek a, goal 21 a khung mai bakah assist vawi 8 a nei tling a ni.

Engpawhnise, a hnuaiah hian Europe Top Five league atanga U21 player che tha zual top 15 te kan rawn tarlang ve leh e.

15. Sandro Tonali, 21 (Italy & AC Milan)

14. Rodrygo, 21 (Brazil & Real Madrid)

13. Ryan Gravenberch, 19 (Netherlands & Ajax Amsterdam)

12. Jurrien Timber, 20 (Netherlands & Ajax Amsterdam)

11. Eduardo Camavinga, 19 (France & Real Madrid)

10. Gavi, 17 (Spain & Barcelona)

9. Alphonso Davies, 21 (Canada & Bayern Munich)

8. Florian Wirtz, 18 (Germany & Bayer Leverkusen)

7. Jamal Musiala, 19 (Germany & Bayern Munich)

6. Bukayo Saka, 20 (England & Arsenal)

5. Vinicius Junior, 21 (Brazil & Real Madrid)

4. Jude Bellingham, 18 (England & Borussia Dortmund)

3. Phil Foden, 21 (England & Manchester City)

2. Pedri, 19 (Spain & Barcelona)

1. Erling Haaland, 21 (Norway & Borussia Dortmund)

Source SL

Related Posts

error: Content is protected !!