Zirtawpni khian UEFA European Championship 2020 chu tan a ni tawh dawn a, Euro khelhna tur Stadium tha zual 11 te an confirm a, hei hi Europe a stadium tha zual te an ni.
Euro 2020 game hmasa ber chu Rome-ah khelh a ni dawn a, Roberto Mancini team Italy leh Turkey ten an khel ang. An khelhna tur hi Stadio Olimpico stadium-ah a ni ang.
Russia-ah chuan Krestovsky Stadium an hmang anga, he stadium hi inelna hrang hrang atana hman thin a ni. Nertherlands lamah chuan Ajax Amsterdam a awm Johan Cruyff Arena hman a ni ang.
An khelh tamna tur ber chu England stadium ropui Wembley Stadium-ah a ni dawn a, hetah hian match 8 lai khelh a ni ang. Semi finals leh Final pawh an khel dawn a ni.
Engpawhnise, a hnuaiah hian Euro 2020 khelhna tur stadium 11 te kan rawn tarlang dawn a ni.
Wembley Stadium (London, England)
Parken (Copenhagen, Denmark)
Stadio Olimpico (Rome, Italy)
Allianz Arena (Munich, Germany)
Baku Olympic Stadium (Baku, Azerbaijan)
Krestovsky Stadium (Saint Petersburg, Russia)
Puskas Ferenc Stadion (Budapest, Hungary)
Arena Nationala (Bucharest, Romania)
Johan Cruyff Arena (Amsterdam, Netherlands)
Estadio La Cartuja (Seville, Spain)
Hampden Park (Glasgow, Scotland)
Source SL
Xavi: Ngati nge Barcelona manager nih theihna vawi 2 lai ka hnawl?
Xavi Hernandez’an FC Barcelona manager nih theihna huntha vawi hnih a hnawl a, a hnawl chhan a sawi fiah.
Xavi hian Qatar club Al Sadd chu kum 2 vel chu hlawhtling takin a enkawl a, hei vang hian mi tamtakin Barcelona midfielder hlui hian Barca a enkawl an ring.
Kum 41 a upa Xavi chuan tun hun hi huntha a la ni rih lo niin a sawi a, hlawhtling taka alo khelhna club lama kir leh chu a hmanhmawh loh thu a sawi.
“Chhan hrang hrang avangin Barcelona hi vawi 2 ka hnawl tawh” tiin Xavi Hernandez chuan La Vanguardia a hrilh.
“Barcelona han hnawl mai chu a harsa tak zet, a chhan chu kei hi Barcelona fan ka ni a, mahse, tun hun hi huntha a la ni lo.”
“Engpawh lo thleng se, a hlu hle ang, chuan kan ngaituah tha zel ang.”
“Kum liamtaah khan offer ka hmu a, mahse, a la hun lo. Barcelona an lo kal a, a la hun leh lo. A hmanhmawhthlak lo.”
“Xabi Alonso pawhin coach nih chu a duh hle, mahse, a duh hunah coach nih ngei a inbeisei, chutiang chiah chu keipawh ka ni.” tiin Xavi Hernandes chuan a sawi.
Source SL