Kum 36 a upa Portugal superstar Cristiano Ronaldo chu UEFA European Championship striker tha ber atana thlan a ni. Cristiano Ronaldo hi ram tana khel tam ber leh goal khung tam ber a ni.
Kum 2004 Euro final ah khan Portugal leh Greece te inkhelah khan Portugal chu 1-0 in an tlawm a, hemi tum hian nomawi a chan.
Ballon d’Or vawi 5 dawngtu Cristiano Ronaldo chuan Portugal tan a trophy hmasa berna tur kum 2016 Euro-ah khan a chawi.
Euro 2020 khelh turah pawh hian Cristiano Ronaldo hi a ram Portugal tan a captain leh dawn a, defending champion an nihna angin Euro 2020 khelh turah pawh an inpuahchah nasa hle.
Manchester Untied leh Real Madrid star hlui hian kumin Euro a khel thei anih chuan UEFA European Championship history-ah vawi 5 khel thei hmasa ber a ni ang.
Ballon d’Or vawi 3 dawng tu Michel Platini hi Euro History-ah goal khung hnem ber a ni a, hei hi Portugal superstar Cristiano Ronaldo hian a nih rual pui tawh a, goal 9 ve ve an khung. Kuminah hian khum theihna chance a nei.
Sportbible chuan UEFA European Championship (Euro) history-a striker ropui zual top 10 leh an rank a tarlang a, kan rawn tarlang ve leh dawn a ni. Hei hi Alan Sherer leh Micah Richard tena an thlan chhuah a ni.
Alan Shearer (England): Shearer: 10th & Richards: 8th
Zlatan Ibrahimovic (Sweden): Shearer: 8th & Richards: 10th
Ruud van Nistelrooy (Netherlands): Shearer: 9th & Richards: 9th
Antoine Griezmann (France): Shearer: 7th & Richards: 7th
Wayne Rooney (England): Shearer: 6th & Richards: 6th
Jurgen Klinsmann (Germany): Shearer: 5th & Richards: 5th
Gerd Muller (West Germany): Shearer: 4th & Richards: 4th
Thierry Henry (France): Shearer: 3rd & Richards: 3rd
Marco van Basten (Netherlands): Shearer: 2nd & Richards: 2nd
Cristiano Ronaldo (Portugal): Shearer: 1st & Richards: 1st
Source Sportbible
READ More (Paul Pogba’an Ballon d’Or dawng tur a sawi?)
Manchester United midfielder Paul Pogba chuan 2021 Ballon d’Or award dawngtu tur a sawi a, Lionel Messi leh Cristiano Ronaldo ni lovin, Chelsea star N’Golo Kante’an a dawn tur thu a sawi.
Lionel Messi leh Cristiano Ronaldo hian kum 10 chuang teh meuh mei Ballon d’Or an lo dawn tawh a. Hetihlai hian kum 2021 ah chuan Chelsea star N’Golo Kante hi UEFA Champions League-ah a chet that em avangin he award dawng tura rinkai ber pakhat a ni.
Paul Pogba’an Eurosport a hrilh dan chuan, “Ballon d’Or dawng tur zingah hian N’Golo chiah ka sawi duh, thla tlemte liamtaa kan hmuh ang tho khan tunah pawh a la pangai reng.” tiin a hrilh.
“A chet dan chungchang kan sawi tam hle a, mahse, englai pawhin a tha reng.”
“UEFA Champions League semi-final atang khan Cristiano Ronaldo leh Lionel Mesii an tel tawh lo. Midfielder emaw defenders pawh nise che tha tak tak kan hmu nual.”
“Hunrei tak liam taa ka lo sawi tawh chu, Chelsea hian Champions League nomawi an chawi a nih chuan, Ballon d’Or hi Kante ta tur a ni tih hi a ni. A phu hliah hliah.”
“Englai pawhin a perform tha a. A chet dan hian min surprise vak lo. A chet that zel avang zawk hian mak ka ti. Englai pawhin hetian hian match a khel ziah.” tiin Pogba chuan a sawi.
Lionel Messi leh Cristiano Ronaldo pawhin season tha tak an hmang ve ve.
Juventus leh FC Barcelona hian an league-ah champion loin, UEFA Champions League nomawi chawi lo mahse, Lionel Messi leh Cristiano Ronaldo erawh an che tha leh hle, Season duhawm tak an hmang.
Juve superstar Cristiano Ronaldo hian Seria Top scorer award a dawng a, chutiang bawkin Lionel Messi pawhin La Liga-ah Pichichi award a dawng ve bawk. Euro 2020 leh Copa America an khel leh dawn a, heta an performance a zirin Ballon d’Or race-ah kawngro a su viau dawn niin a lang.
Robert Lewandowski leh Kylian Mbapp Pawhin Ballon d’Or race-ah N’Golo Kante an bei ve dawn niin a lang.
2020 Ballon d’Or kha sem ta se, Robert Lewandowski hian a dawng ngei ang le. Season khelh zawh takah pawh khan goals 41 lai a khung leh a ni.
Kuminah hian dawng thei tak ang maw. Kylian Mbappe pawh a che tha leh hle a, Euro 2020 khelh turah a chet that leh viau chuan atan Ballon d’Or a hla lo viau ang.
A lan danah chuan, N’golo Kante, Cristiano Ronaldo, Lionel Messi, Robert Lewandowski leh Kylian Mbappe te hian Ballon d’Or 2021 an inchuh dawn niin a lang.
Source SK