European Championship (Euro) hi international football tournament-ah chuan a lian ber pahnihna a ni a, tun hnai lawk atang phei chuan World Cup ai pawhin a competitive zawk titu an awm nuk mai.
Euro ah hian ram thenkhat chu vawi 1 ai tam an champion tawh a, tun tumah hian European Championship history a Final khel tam zual Ram 5 te kan rawn tarlang ve leh dawn a ni.
5 France – Final vawi 3
France hi tunhnai atang an rawn che tha hle a, Euro Final vawi 3 an khelh tawh atang vawi 2 hnehna an chang tawh a ni.
Euro 2020 ah erawh beisei an pha lo hle, mahse, player tha an nei nual a, 2024 ah an rawn kir leh ngei a rinawm.
4 Soviet Union – Final vawi 4
Kum 1991 hmalam kha chuan Soviet Union hi an tha thei hle. EURO final vawi 4 an khelh atangin vawi khat chiah hnehna an chang.
Player tha an kawl nual a, World Cup leh Olympic Games lamah pawh an che tha thei hle.
3 Spain – Final vawi 4
Spain hian 2008 atang 2012 kha chu an thunun ti ila kan sawi sual awm love. A zawnin vawi hnih an champion a, an history ah vawi 4 final an lut tawh a ni.
Spain hi an che tha tak zet, Euro Final vawi 4 an khelh tawh atangin vawi 3 hnehna an chang a, vawikhat chiah an tlawm. 1984 kumah khan an tlawm a, France lakah nomawi an chan a ni.
2 Italy – Final vawi 4
Italy pawh hi International football-ah hlawhtling tak pakhat anni ve a, Euro 2020 semi final ah Spain chu penalty shootout hmangin an hneh a, final an lut leh a ni.
Euro final an khelh tawh 3 zingah vawi khat chiah hnehna changin, vawi hnih erawh an tlawm. Tun tum final hi final an luh vawi 4 na tur niin hnehna an chang thei mai ang em?
1 Germany – Final vawi 5 an lut tawh
Germany hi international levele team hlawhtling tak pakhat anni a, European Championship history ah vawi 5 lai mai final an khel tawh a ni.
Vawi 5 an khelh atangin vawi 3 an champion.
Source 90 min