Kan hriat angin Euro 2021 last 16 ah mak deuh maiin Switzerland chuan France chu an pet chhuak a nih kha.
France hi mi tamtakin champion tura an ngaih a ni a, mahse, Granit Xhaka leh a naute chuan mak deuh maiin an hneh a ni.
Manchester United midfielder Paul Pogba a chet that viau laiin penalty shoot out hmangin Switzerand lamin an hneh a ni.
Mi tamtakin champion turah ngai mahse, Euro 2020 an khelh tawh thlir let khan an chet that vakna erawh a awm lem lo. Position tinah talent nei tha tak tak an awm deuh fur a, mahse, France manager Didier Deschamps hian a hmang thiam hlawm vaklo a niang, a team te khelh tir danah sawi sel a tawk ve bawk.
France player Euro 2020 a hlawhchham (flopped) player 5 te kan rawn tarlang ve leh e.
5 Antoine Griezmann
Antoine Griezmann hi France player che tha tura ngaih a nih laiin, Euro 2020 an khelh chhung khan a che tha lem lo. Kum 2019 khan Atletico Madrid atangin FC Barcelona a zawm a, hemi hnu atang hian a career a hmang tha thei tak tak tawh lo ti ila kan sawi sual awm love.
Atletico Madrid lama a khelh ve thin lai kha chuan khawvel player tha ber pakhat anga sawi thin a ni, Camp Nou lamah duhthuasam tak tak theilo.
Kum 2018 a France in FIFA World Cup nomawi an chawi lai khan Griezmann hi France player pawimawh ber pakhat a ni.
Euro 2020 ah vawi 4 a khelh atangin goal 1 chiah a khung thei a ni.
4 N’Golo Kante
Kar tlemte liamtaah khan Chelsea chu UEFA Champions League nomawi a chawi pui a, Ballon d’Or dawn thei tura rinkai ber pakhat a ni.
Khawvel midfielder tha ber pakhat a ni a, mahse, 2020 Euro a chet dan avang hian Ballon d’Or dawn theihna chance erawh a hniam ve deuh a rinawm.
3 Adrien Rabiot
France manager Didier Deschamps’an engvangin nge Switzerland an hmachhawn tumah khan left wing back ah a start tir tih chu hriatthiam har tak a ni. France squad-ah Leo Dubois a awm ve laiah.
Midfielder pangai a ni a, mahse, tun tum Euro ah erawh duh angin a che tha lo hle.
2 Benjamin Pavard
Benjamin Pavard hi kum 2018 FIFA World Cup-ah khan a lar hle, France tan a chet tha em avangin Bayern Munich chuan Stuttgart atangin an la lut.
Right back ah khel thin mahse, Pavard hi centre back ah pawh a khel tha thei hle. Mahse, 2020 Euro erawh beisei a pha vak lo.
1 Kylian Mbappe
Kylian Mbappe hi word class footballer a ni, talent a nei tha em em a, mahse, 2020 Euro-ah erawh game 4 an khelh chhung khan a talent neih that zia a pholang hman lo a ni.
Mi tamtakin goal khung tam ber tura an ngaih a ni a, Euro 2020 Best player tura an rin a ni bawk. Mahse, beisei angin a che lo. Nizan penalty shootout-ah khan amah chiah pet goal lo awmchhun a la ni leh nghal.
Engpawhnise, kumin Euro chu atan kum that kum a ni ve lo a niang.
Source Sl